| Nummer:ogd0599 | Datum:11 jan. 1372 | Overlevering:Editie | Vindplaats:Oorkondenboek Groningen en Drenthe, nr. 599 |
Johan, heer van Coevorden, staat aan de inwoners van Coevorden een zekere uitgestrektheid van gronden af met voorbehoud van de tiendplichtigheid.
Wy, Johan, heer van Covorden, bekennen dat in dessen openen breve, dat wy by rade ende consent Reynoldes onses soens ende unser rechten
erffgenamen ende urn truwen dienst, die ons onse borgeren unde buer van Covorde yewerlt bewyset ende gedaen hebben uns ende unsen voervaderen,
hebben gedaen ende gegeven die Haer, die gheleghen is tusschen den Cloester ende den Halenberch in der kerspill van Covorde, dat sy die voerg.
Haer slaen moeghen, ende en ygelicken van den borgeren ende bueren van Covorde, die des begerende sijn, daervan hoer andeell gheven moeghen, die
besitten ende te gebrueken ende hoer beste daermede te doen, alse die te lande gemaeket is, erfflicken ende ummermeer, sy ende hoer rechten
erffgenamen, voer ons ende voer onsen rechten erffgenamen, alse op die tende garve, die wij op den voerg. lande alle jaer nemen soelen, ende
alletijt, alse sy des begerende sijn, dat wy sie tenden soelen eenwerff, anderwerff, derdewerff. Deden wy hem des voerweygeringe, so moeghen sy
daer gaen mijt twen offte mijt drien buren van Covorde ende setten uns unsen thenden uuth, ende vueren hoer saet hoeres weghes sunder onsen
ovelen moet. Voert is dat vorwart, were dat saicke dat yenich van den borgeren ende buren van Covorde verarmede offte dat hy van Covorde varen
wolde, die mochte sijn andeell van dessen voerg. lande alletijt verkopen, soe wen dat hy wolde, ende daer sijn beste mede doen sunder onser ende
onser nacomelingen oevelen moet. Oick is dat vorwaert, soe wie dat daernaest an beyden tsyden gelegen ende gheervet is, die mach ende sall
alletijt an den coep die naeste sijn sunder argelist. In oerkonde der waerheyt so hebben wy, Johan, heer van Covorde, onse segell an dessen
brieve gehangen voer ons ende voer onsen rechten erffgenamen voers., ende hebben voert gebeden Herman van Covorde, juncher van Selwerdt, unsen
lieven broeder, dat hy dessen brieff mijt onss besegelt hevet mijt synen segell tot enen tuege. Ende ick, Herman van Covorde voers., omme bede
willen heren Johans, des heren van Covorde, unses lieven broeder voerg., soe heb ick mijn segell an dessen brieve gehangen tot enen meerren
tueghe. Gegeven int jaer unses Heren dusent driehondert twe ende tseventich, des naesten Sondaghes nae derthienden dach.
erffgenamen ende urn truwen dienst, die ons onse borgeren unde buer van Covorde yewerlt bewyset ende gedaen hebben uns ende unsen voervaderen,
hebben gedaen ende gegeven die Haer, die gheleghen is tusschen den Cloester ende den Halenberch in der kerspill van Covorde, dat sy die voerg.
Haer slaen moeghen, ende en ygelicken van den borgeren ende bueren van Covorde, die des begerende sijn, daervan hoer andeell gheven moeghen, die
besitten ende te gebrueken ende hoer beste daermede te doen, alse die te lande gemaeket is, erfflicken ende ummermeer, sy ende hoer rechten
erffgenamen, voer ons ende voer onsen rechten erffgenamen, alse op die tende garve, die wij op den voerg. lande alle jaer nemen soelen, ende
alletijt, alse sy des begerende sijn, dat wy sie tenden soelen eenwerff, anderwerff, derdewerff. Deden wy hem des voerweygeringe, so moeghen sy
daer gaen mijt twen offte mijt drien buren van Covorde ende setten uns unsen thenden uuth, ende vueren hoer saet hoeres weghes sunder onsen
ovelen moet. Voert is dat vorwart, were dat saicke dat yenich van den borgeren ende buren van Covorde verarmede offte dat hy van Covorde varen
wolde, die mochte sijn andeell van dessen voerg. lande alletijt verkopen, soe wen dat hy wolde, ende daer sijn beste mede doen sunder onser ende
onser nacomelingen oevelen moet. Oick is dat vorwaert, soe wie dat daernaest an beyden tsyden gelegen ende gheervet is, die mach ende sall
alletijt an den coep die naeste sijn sunder argelist. In oerkonde der waerheyt so hebben wy, Johan, heer van Covorde, onse segell an dessen
brieve gehangen voer ons ende voer onsen rechten erffgenamen voers., ende hebben voert gebeden Herman van Covorde, juncher van Selwerdt, unsen
lieven broeder, dat hy dessen brieff mijt onss besegelt hevet mijt synen segell tot enen tuege. Ende ick, Herman van Covorde voers., omme bede
willen heren Johans, des heren van Covorde, unses lieven broeder voerg., soe heb ick mijn segell an dessen brieve gehangen tot enen meerren
tueghe. Gegeven int jaer unses Heren dusent driehondert twe ende tseventich, des naesten Sondaghes nae derthienden dach.
x
| Fonds | Oorkondenboek Groningen en Drenthe |
|---|---|
| Nr | 599 |
| Olim | Naar een afschrift in het gemeentearchief te Coevorden (Inv. no. 689). |
| Jaar | 1372 |
| Datumcode | DpEpipha |