| Nummer:coe0335 | Datum:11 jan. 1372 | Overlevering:Afschrift | Vindplaats:Arch. Coevorden, inv.nr. 0335 |
Die Haeren brieff. Copia.
Wy Johan heer van Covorde bekennen dat in dessen openen breve dat wy by rade ende consent
Reynoldus onses soens ende unser rechten erffgenamen Ende um truwen dienst die ons onse
borgere unde buer van Covorde yewerlt bewyset ende gedaen hebben uns ende unsen voervaderen
hebben gedaen ende gegeven die Haer die geleghen is tus schen den cloester ende den Halenberch
inder kerspill van Covorde dat sy die voergenoemde Haer slaen moghen ende en ygelicken vanden
borgeren ende bueren van Covorde die des begerende syn daer van hoer andeell gheven moeghen
die besitten ende te gebrueken ende hoer beste daer mede te doen alse die te lande gemaeket is
erfflicken ende ummermeer sy ende hoer rechten erffgenamen voer ons ende voer onsen rechten erffgenamen alse
op die tende garve die wy op den voergenoemde lande alle jaer nemen soelen. Ende alle tyt alse sy
des begerende syn dat wy sie tenden soelen eenwerff, anderwerff, derdewerff deden wy hem
des voerweygeringe so moeghen sy daer gaen myt twen offte myt drien bueren van Covorden
ende setten uns unsen thenden uuth ende vueren hoer saet hoers weghes sunder onsen ovelen
moet. Voert is dat vorwart, were dat saicke dat yenich vanden borgeren ende bueren van Covorden
verarmde offte dat hy van Covorde varen wolde, die mochte syn andeell van dessen
voergenoemde lande alle tyt verkopen, soe dat hy wolde ende daer syn beste mede doen
sunder onser ende onser nacomelingen oevelen moet. Oick is dat vorwaert, soe wie dat daer
naest an beyden tsyden gelegen ende gheervet is, die mach ende sall alle tyt anden coep die
naeste syn sunder argelist. In oerkunde der waerheyt so hebben wy Johan heer van
Covorden onse segell an dessen brieve gehangen voer ons ende voer onsen rechten erffgenamen voerscreven.
Ende hebben voert gebeden Herman van Covorde, Juncher van Selwerdt unsen lieven
broeder dat hy dessen brieff myt ons besegelt hevet myt synen segell tot enen tuege.
Ende ick Herman van Covorde voerscreven omme bede willen heren Johans des heren van Covorde
unses lieven broeder (voirscreven) voergenoemd, soe heb ick myn segell an dessen brieve gehangen tot
enen meerren tueghe. Gegeven int jaer unses heren dusent driehondert twe ende tseventich
des naesten Sondaghes nae derthienden dach.
Duidelijk watermerk.
Wy Johan heer van Covorde bekennen dat in dessen openen breve dat wy by rade ende consent
Reynoldus onses soens ende unser rechten erffgenamen Ende um truwen dienst die ons onse
borgere unde buer van Covorde yewerlt bewyset ende gedaen hebben uns ende unsen voervaderen
hebben gedaen ende gegeven die Haer die geleghen is tus schen den cloester ende den Halenberch
inder kerspill van Covorde dat sy die voergenoemde Haer slaen moghen ende en ygelicken vanden
borgeren ende bueren van Covorde die des begerende syn daer van hoer andeell gheven moeghen
die besitten ende te gebrueken ende hoer beste daer mede te doen alse die te lande gemaeket is
erfflicken ende ummermeer sy ende hoer rechten erffgenamen voer ons ende voer onsen rechten erffgenamen alse
op die tende garve die wy op den voergenoemde lande alle jaer nemen soelen. Ende alle tyt alse sy
des begerende syn dat wy sie tenden soelen eenwerff, anderwerff, derdewerff deden wy hem
des voerweygeringe so moeghen sy daer gaen myt twen offte myt drien bueren van Covorden
ende setten uns unsen thenden uuth ende vueren hoer saet hoers weghes sunder onsen ovelen
moet. Voert is dat vorwart, were dat saicke dat yenich vanden borgeren ende bueren van Covorden
verarmde offte dat hy van Covorde varen wolde, die mochte syn andeell van dessen
voergenoemde lande alle tyt verkopen, soe dat hy wolde ende daer syn beste mede doen
sunder onser ende onser nacomelingen oevelen moet. Oick is dat vorwaert, soe wie dat daer
naest an beyden tsyden gelegen ende gheervet is, die mach ende sall alle tyt anden coep die
naeste syn sunder argelist. In oerkunde der waerheyt so hebben wy Johan heer van
Covorden onse segell an dessen brieve gehangen voer ons ende voer onsen rechten erffgenamen voerscreven.
Ende hebben voert gebeden Herman van Covorde, Juncher van Selwerdt unsen lieven
broeder dat hy dessen brieff myt ons besegelt hevet myt synen segell tot enen tuege.
Ende ick Herman van Covorde voerscreven omme bede willen heren Johans des heren van Covorde
unses lieven broeder (voirscreven) voergenoemd, soe heb ick myn segell an dessen brieve gehangen tot
enen meerren tueghe. Gegeven int jaer unses heren dusent driehondert twe ende tseventich
des naesten Sondaghes nae derthienden dach.
Duidelijk watermerk.
x
| Archief | Drents Archief |
|---|---|
| Fonds | Arch. Coevorden |
| Toegangsnummer | 116 |
| Inventarisnr. | 0335 |
| Jaar | 1372 |
| Datumcode | DpEpipha |