Die Geistlichen von Uttum und Jennelt bekunden, dass Affo Wyltesna zu Jennelt dem Häuptling Imelo zu Grimersum zwei Grase Weidelandes verkauft und zwei andere Grase gegen zwei Grase Wiesenlandes bei Visquard von demselben eingetauscht habe.

Wy here Abeko vicedecanus unde curet to Uttem unde her Tyo kerchere to Yeenlede[*] entkennen vor allesweme, dat vor uns hefft ghewesen Affo Wyltesna to Yeenleed ende ghelyede unde bekande des, dat he myt vrigen willen unbedwu^ongen myt consente ende vu^ollen berade siner vrende hefft verkofft twe grase fenlandes[*] ghelegen in Yeenleder hammerke, in der breden fenne gheheten, unde anders twe grase alsodannich landes in der sulven vorbenomeden breden fenne ghewesselt zamentliken Ymelen hoefftlingen to Grimissum unde Oesterhusum etc., des em Ymelo hoefftling vorscr. wedder gifft twe grase meedlandes[*] ghelegen in Fyskweerder[*] hammerke, in Tyabbingfenne[*] gheheten, des Affen vorbenant daer to vull unde all guede betalinge is ghescheen, als vor dat gras landes 3 nyge Arnemsche gulden van Ymelen hoefftlinge eerghenant, unde Affo daer nu off nummermere bet umme to manende Ymelen noch sine rechten erffghenamen off naecomelinge to ewegen dagen. In oerkunde unde rechter tuechnisse der waerheyt hebben wi her Abeko unde her Tyo vorscreven unse inghesegel witliken doen hangen an spacium dusses breves umme bede willen Affens vorbenant. In deme jare unses Herens dusent veerhundert unde negen unde twintich, crastina die Marie Egiptiace.

x

x

Fonds	Ostfriesisches Urkundenbuch, I
Fol.nr.	S. 348
Nr	375
Olim	Nach dem Orig. im Besitze der Gesellschaft für bild. Kunst etc. zu Emden.
Jaar	1429
Datumcode	cMarEgy

x

x

Commentaar	Das erste Siegel ist ganz zerstört, auf dem zweiten sieht man noch die Gestalt eines Geistlichen.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 375