Der Häuptling zu Langen, Aiso, schenkt dem Kloster daselbst 12 Grase Landes mit der Auflage, seine und seiner Eltern Memorie zu feiern.

Ik Ayso hofling to Langhern enkenne openbaer in desse openen breve, dat ik mith wrigen willen, bij ghesunden liwe, mith beradenen mode, unbehalet mith jeniger loesheit[*] hebbe ghegheven unde gheve jeghenwordich to ener vrigen mylden ghave dem ghestliken covente to Langherne 12 grase landis, de 7 gheheten Lambafen[*] unde de 5 gheheten Accalond, [*] umbe salicheit minere sele unde minere oldere; dess zall de vorbenante convent bidden vor my unde mine oldere unde frunde tot ewyghen tyden unde uns to holden in erer ewighen dechnise, dewile dat ere convent steyt; welke vorgenante ghave ik Ayso hofftling vorbenant stede unde vast unde unwedderhroplick wille holden ende hebben gheholden van mynen vrunden unde erffnamen boren unde ungheboren tot ewyghen tyden. Dess[*] in orkunde unde merer vestinghe hebbe ik Ayso vorbenant myn inzegyl witliken doen hanghen an dessen selven breeff. Anno Domini M^o quadringentesimo vicesimo sexto.

x

x

Fonds	Ostfriesisches Urkundenbuch, I
Fol.nr.	S. 309
Nr	342
Olim	Nach dem Original. Kl. Langen. Urk. Nr. 14. — Msc. A. 88 Fol. 34'.
Jaar	1426

x

x

x

Commentaar	Das Siegel ist sehr gut erhalten, es zeigt einen Reiter auf rechtshin galoppirendem Pferde mit Lanze und Fähnlein daran. Umschrift: S. Eysonis Sighenna capitalis in Langhen.

x

Materiaal	papier

x

Edities	E. Friedländer, Ostfriesisches Urkundenbuch I (Emden 1878), nr. 342