| Nummer:oub0199 | Datum:Riga, 30. Nov. 1405 | Overlevering:Editie | Vindplaats:Ostfriesisches Urkundenbuch, I, S. 168, nr. 199 |
Unter Mittheilung eines Schreibens des Lübeck'schen Rathes vom 25. October wegen Seeräubereien der Ostfriesen ladet der Rigische Rath, den Reval'schen ein, zu einer am 3. Januar 1406 zu haltenden Tagfahrt Sendeboten, nach Wolmar abzufertigen.
(Hier nur die bezügliche Stelle aus dem Lübischen Schreiben vom 25. October: ). ... Willet weten, dat etlike ut Vresslande, ut der Emede und ut andern havenen des landes, also wi warliken vornomen hebben, schepe in der see genomen hebben, mit wasse und werke, mit wande und mit anderm koestlikem gude, en del unsen borgern unde ok andern kopluden tobehorende, geladen, unde hebben dat gud gebracht to Emeden unde dar ummelanges. Ok also wi berichtet sin, so was in den schepen vele redesgeldes, also dat velen guden kopluden grot dreplik schade dor an geschen is. Dor umme de stede hir ummelanges sere besorget sin unde vruchten, dat van sodanen luden de kopman jegen dat jar moge vorder beschediget werden. Des bidde wi ju, dat gi dar umme spreken und uns enbeden, wes gi dar to donde dachten, und wor to wi van juwer wegen uns to vorlaten mochten, eff de stede hir ummelanges to rade worden, dat se wat dar umme doen wolden, alse uns wol dunket, dat behoff is, wente wi anders vorderff des kopmannes darane vruchten, unde bidden des juwe antworde uns also gi erst koennen wedder to scrivende. Siil Gode bevolen. Gescreven under unsem secrete in der hilgen Crispini und Crispiniani dage, int jar MCCCCV.
