| Nummer:ogd1202 | Datum:20 jan. 1405 | Overlevering:Editie | Vindplaats:Oorkondenboek Groningen en Drenthe, nr. 1202 |
Johan ten Hoeve draagt bij stoklegging over aan Frederik van Blankenheim, bisschop van Utrecht, een derde gedeelte van de heerlijkheid Selwerd, met toebehoren.
Ic, Johan ten Hoeve, make cond ende kenlic allen luden mit desen openen breve, dat ic overghegeven hebbe ende overgheve
mit minen vrijen willen ghesont ende mechtich miins lieffs ende mit gueden beraide ende voerdachten siinne den eerweerdigen
vader in Goede, heren Frederic van Blankenhem, van Goits ghenaden byssop tot Utrecht, minen ghenedigen heren, tot behoeff ziins ghestichts ende kirken van Utrecht dat derdendeel van der heerlicheyt ende van den gherichte van Zeelwart mit allen zinen tobehoeren also als dat ghelegen is binnen Groningen in Ghoe ende in den Wolde als mine voervaerre voer ende ic nae dat hierto ghebruket hebben, soedat miin here voerg. ende sinen nacomelingen, bysscope tot Utrecht, ende dat ghestichte van Utrecht dese vors. heerlicheyt ende gherichte rustelic ende vredelic ghebruken sullen erfliken, eweliken ende ummermeer onbesproken ende onbehindert van mij ofte van minen erfghenamen. Voert so bekenne ic in denselven breve, dat ic den stock daervan ghelecht hebbe to Noertlaer vor den kerspele ende den ghemenen bueren ende voer vele gueden luden uut den lande van Drenthe, soedat ic daer verteech ende quiitscheldinge dede ende overgaff vor mij ende mine erfghenamen de heerlicheyt ende gherichte vors. alse lantrecht was in den gherichte van Zeelwerden tot behoeff miins ghenedigen heren van Utrecht ziins gestichts ende kirken van Utrecht vors., also dat ic noch mine erfghenamen neet meer en hebben to wachten noch to waren an de heerlicheyt ende gherichte vors., also dat de heerlicheyt ende gherichte vors. minen heren ende zinen ghestichte ende kerken van Utrecht vors. stede ende vast bliven sullen tot ewigen dagen toe. Voort zint vorwairde, dat ic minen ghenedighen heren voerg. overgheven zal alsulke breve als ic ende mine voervaere hebben, de sprekende ziin up de gherichte ende heerlicheyt vors. Al aerghelist ende nye vonde uutgesproken, de aen desen zaken hinderen moegen. Hier weren over ende an als coernoten ende tugheslude Frederic van der Ezen, amptman tot Coverden, Hinric Schaep, Steven van Runen, Bertolt van Bakerweert, Aelbert van Ansen, Wolter van den Laer, Wolter Morriaen, Hughe Bensing, Hinric Schultinge, Eylken Ansten, Johan Ansten, ghebrueders, ende ander vele gueder lude ghenoech. In orkunde der waerheyt so heb ic, Johan ten Hoeve vors., mijn segel an desen breeff ghehangen ende um der meere vestenisse wille, so heb ic ghebeden mine maghe hierna bescreven, dat se desen brieff mede over mij besegelen, als mit namen Johan Hagen, Herman ter Hansouwe, Herman Polman, Otto Polman ende Johan Polman, ghebrueders. Ende wij , Johan, Herman, Herman, Otto ende Johan vors., bekennen, dat wij om beden wille Johans ten Hoeve ons neven vors. dessen breeff mede besegelt hebben mit onsen segelen, want my, Johan Hagen, dat witlich ende kundich is, ende wy, Herman ende Herman, Otten ende Johan vors., daer over dese vorwarden ende zaken vors. ghestaen hebben ende ons witlich ende kundich is, dat se in allen manieren alse vors. staet gheschiet ziin. Ghegheven in den jaere ons Heren dusent vierhundert ende vive up sunte Agnetenavent .
mit minen vrijen willen ghesont ende mechtich miins lieffs ende mit gueden beraide ende voerdachten siinne den eerweerdigen
vader in Goede, heren Frederic van Blankenhem, van Goits ghenaden byssop tot Utrecht, minen ghenedigen heren, tot behoeff ziins ghestichts ende kirken van Utrecht dat derdendeel van der heerlicheyt ende van den gherichte van Zeelwart mit allen zinen tobehoeren also als dat ghelegen is binnen Groningen in Ghoe ende in den Wolde als mine voervaerre voer ende ic nae dat hierto ghebruket hebben, soedat miin here voerg. ende sinen nacomelingen, bysscope tot Utrecht, ende dat ghestichte van Utrecht dese vors. heerlicheyt ende gherichte rustelic ende vredelic ghebruken sullen erfliken, eweliken ende ummermeer onbesproken ende onbehindert van mij ofte van minen erfghenamen. Voert so bekenne ic in denselven breve, dat ic den stock daervan ghelecht hebbe to Noertlaer vor den kerspele ende den ghemenen bueren ende voer vele gueden luden uut den lande van Drenthe, soedat ic daer verteech ende quiitscheldinge dede ende overgaff vor mij ende mine erfghenamen de heerlicheyt ende gherichte vors. alse lantrecht was in den gherichte van Zeelwerden tot behoeff miins ghenedigen heren van Utrecht ziins gestichts ende kirken van Utrecht vors., also dat ic noch mine erfghenamen neet meer en hebben to wachten noch to waren an de heerlicheyt ende gherichte vors., also dat de heerlicheyt ende gherichte vors. minen heren ende zinen ghestichte ende kerken van Utrecht vors. stede ende vast bliven sullen tot ewigen dagen toe. Voort zint vorwairde, dat ic minen ghenedighen heren voerg. overgheven zal alsulke breve als ic ende mine voervaere hebben, de sprekende ziin up de gherichte ende heerlicheyt vors. Al aerghelist ende nye vonde uutgesproken, de aen desen zaken hinderen moegen. Hier weren over ende an als coernoten ende tugheslude Frederic van der Ezen, amptman tot Coverden, Hinric Schaep, Steven van Runen, Bertolt van Bakerweert, Aelbert van Ansen, Wolter van den Laer, Wolter Morriaen, Hughe Bensing, Hinric Schultinge, Eylken Ansten, Johan Ansten, ghebrueders, ende ander vele gueder lude ghenoech. In orkunde der waerheyt so heb ic, Johan ten Hoeve vors., mijn segel an desen breeff ghehangen ende um der meere vestenisse wille, so heb ic ghebeden mine maghe hierna bescreven, dat se desen brieff mede over mij besegelen, als mit namen Johan Hagen, Herman ter Hansouwe, Herman Polman, Otto Polman ende Johan Polman, ghebrueders. Ende wij , Johan, Herman, Herman, Otto ende Johan vors., bekennen, dat wij om beden wille Johans ten Hoeve ons neven vors. dessen breeff mede besegelt hebben mit onsen segelen, want my, Johan Hagen, dat witlich ende kundich is, ende wy, Herman ende Herman, Otten ende Johan vors., daer over dese vorwarden ende zaken vors. ghestaen hebben ende ons witlich ende kundich is, dat se in allen manieren alse vors. staet gheschiet ziin. Ghegheven in den jaere ons Heren dusent vierhundert ende vive up sunte Agnetenavent .
x
| Fonds | Oorkondenboek Groningen en Drenthe |
|---|---|
| Nr | 1202 |
| Olim | Naar het origineel in het rijksarchief te Utrecht, afkomstig uit de landskist te Deventer (Inv. no. 1482), hoog 27, breed 37 cm. Ook gedrukt bij Driessen, blz. 749. |
| Jaar | 1405 |
| Datumcode | vAgneti |
x
| Commentaar | Aan het stuk hangen zes ronde zegels in bruine was. Van 1 is slechts een fragment bewaard, vertonend een driehoekig schild met een faas; randschrift : . . . HOVE . . . 2. vertoont een schild met een wassenaar; randschrift: SIGILL . .. JOHAN HAGEN. 3. een schild met een geschakeerd kruis; randschrift: S. HERMAN TER HANZOUWE. 4, 5 (zeer slecht gesneden) en 6 een schild met geschakeerd St. Andrieskruis, waarvan de rechter-bovenarm ontbreekt, respectievelijk met de randschriften, voorzover leesbaar: 4: S. . . . EN POLLEMAN. 5: OTTO. 6: S. JOHAN POLLEMAN. |
|---|