| Nummer:ogd0970 | Datum:14 aug. 1397 | Overlevering:Editie | Vindplaats:Oorkondenboek Groningen en Drenthe, nr. 970 |
Laurens Joncher, pastoor te Beilen, verklaart, dat Ludeken Meninge het Benningegoed op enige nader omschreven voorwaarden in erfpacht heeft ontvangen van het kapittel van St. Pieter te Utrecht.
Ic, heer Laurens Joncher, cureit van Beylen, doe kont allen luden, die desen brief zullen sien of horen lezen, dat voer my ende voer berve lude, die hierna bescreven
staen, quam Ludeken Meninge ende bekande openbaerlic, dat hy ontfanghen had van eerbaren heren den praefst, deken ende capittel der kerken van sunte Peter tUtrecht in
enen erfpacht een gued gheheyten Benningegued to Holte, gheleghen in den kerspel van Beylen, met bosch, met broke, myt water, myt weyde, myt torve, myt twige, mit alre nutscap ende sinen tobehoren alst gelegen is, in dusgedanen voirwarden als hierna bescreven staen. In den yersten bekent Ludeken voirscreven, dat hy opdragen ende quijtscelden sal alsulc recht als hy hevet ruerende van tien stede Groninger mud, ses mud roggen ende vier mud geerstensmoltes, die hy gecoft hevet tegen Arent van Steenwijc ende Jan van Steenwijc ghebroders, ende sal dier voirs. mud afgaen na den recht van den lande ende sal den voirs. heren een betoen daeraf gheven. Voert bekent deselve Ludeken voir hem ende vor siin erfgenamen ende nacomelinge, dat hy jaerlix betalen sal in den hof tot Uffelt tot des praefsts behoef van sunte Peter tUtrecht vors. op alle Goeds Heyligendach neghen mudde wynterroggen Groninger mate, op den Palmdach een henne mit tien eyeren, ende op den Meydach neghen mud gerstensmoltes Groningher mate voirs. in den voirs. hof tot Uffelt. Voert bekent dieselve Ludeken voirs., wert sake dat hy ende siin erfgenamen ende nacomelinge desen voirs. pacht nyet en betaelden op desen voirs. termiin, soe soude hy, ziin erfgenamen ende nacomelinge voirs. den vors. praefst in der tijt des naesten dages verleden na elken termijn vorscreven desen vorscreven pacht twyscat of dubbel betalen, sonder enich wedersegghen. Voert bekent dieselve Ludeken vorscreven, wert sake dat hij noch siin erfgenamen ende nacomelinge vorscreven desen vors. pacht binnen viertien dagen naestverleden na elken termiin vorscreven nyet en betaelden, soe weer Ludeken voirs., ziin erfgenaem ende nacomelinge vorscreven vervallen van allen recht ende tozeggen, dat zy hadden of hebben mochten an desen vors. guede. Ende dit vorscreven goed sal dan vry, los ende ledich wedercomen an dese vors. heren horen vryen wil mede to doen, alzoeveer als zijt annemen willen ende anders nyet. Nochtan soude Ludeken voers., ziin erfgenaem ende nacomelinge vors. den vorscreven praefst in der tijt betalen alzulken pacht ende penen, als hi dan in restant schuldich were. Voert bekent dieselve Ludeken , dat hi noch ziin erfgenamen ende nacomelinge dit vors. gued tot gheenre tijt vercopen, versetten noch versellen en solen, noch gene bezwaringe van pacht of van anderen onrade op dit voirs. goed brengen en solen buten consent ende wil deser vors. heren. Ende dit vors. gued sal al geheel bliven an enen naesten erfgenaem, ongesceiden ende ongedeilt. Voert bekent Ludeken voers., wert sake dat hy, siin erfgenamen ende nacomelinge voers. enich van desen voers. punten braken ende nyet en hielden noch en deden als vorscreven is, so vielen zy ende een yghelic van hem bysonder van allen recht ende toseggen, dat zy hadden of hebben mochten an desen vors. guede. Ende dit vorscreven gued sal dan vry, los ende ledich wedercomen an desen voers. heren horen vryen wil mede to doen, sonder enigerhande krot of hinder van Ludeken, zinen erfgenamen ende nacomelinge vorscreven, alzoeveer als ziit annemen wouden ende anders nyet. Alle argelist uutgesceiden. Ende om der mere vestenisse wil, want Ludeken voirs. wil, dat al dese vorwarden ende punten vast ende stede gheholden zullen wesen voer hem ende voir siin erfgenamen ende zine nacomelinge voirs., so hevet hij my ghebeden dese voirs. vorwarden ende punten over hem te besegelen tot enen getughe, want hij selven gheen segel en hevet. Daer dit ghesciede, waren an ende over als tugheslude heer Egbert Loberinghe, Leffart Ebelinghe, Lambert Wedekinge, Willam Ludinge, Hillebrant Mackinge, Wolter Tybbinge ende ander ghebuere. Ghegeven int jaer ons Heren dusent driehondert seven ende tneghentich des Dinxdaghes na sunte Laurensdach .
staen, quam Ludeken Meninge ende bekande openbaerlic, dat hy ontfanghen had van eerbaren heren den praefst, deken ende capittel der kerken van sunte Peter tUtrecht in
enen erfpacht een gued gheheyten Benningegued to Holte, gheleghen in den kerspel van Beylen, met bosch, met broke, myt water, myt weyde, myt torve, myt twige, mit alre nutscap ende sinen tobehoren alst gelegen is, in dusgedanen voirwarden als hierna bescreven staen. In den yersten bekent Ludeken voirscreven, dat hy opdragen ende quijtscelden sal alsulc recht als hy hevet ruerende van tien stede Groninger mud, ses mud roggen ende vier mud geerstensmoltes, die hy gecoft hevet tegen Arent van Steenwijc ende Jan van Steenwijc ghebroders, ende sal dier voirs. mud afgaen na den recht van den lande ende sal den voirs. heren een betoen daeraf gheven. Voert bekent deselve Ludeken voir hem ende vor siin erfgenamen ende nacomelinge, dat hy jaerlix betalen sal in den hof tot Uffelt tot des praefsts behoef van sunte Peter tUtrecht vors. op alle Goeds Heyligendach neghen mudde wynterroggen Groninger mate, op den Palmdach een henne mit tien eyeren, ende op den Meydach neghen mud gerstensmoltes Groningher mate voirs. in den voirs. hof tot Uffelt. Voert bekent dieselve Ludeken voirs., wert sake dat hy ende siin erfgenamen ende nacomelinge desen voirs. pacht nyet en betaelden op desen voirs. termiin, soe soude hy, ziin erfgenamen ende nacomelinge voirs. den vors. praefst in der tijt des naesten dages verleden na elken termijn vorscreven desen vorscreven pacht twyscat of dubbel betalen, sonder enich wedersegghen. Voert bekent dieselve Ludeken vorscreven, wert sake dat hij noch siin erfgenamen ende nacomelinge vorscreven desen vors. pacht binnen viertien dagen naestverleden na elken termiin vorscreven nyet en betaelden, soe weer Ludeken voirs., ziin erfgenaem ende nacomelinge vorscreven vervallen van allen recht ende tozeggen, dat zy hadden of hebben mochten an desen vors. guede. Ende dit vorscreven goed sal dan vry, los ende ledich wedercomen an dese vors. heren horen vryen wil mede to doen, alzoeveer als zijt annemen willen ende anders nyet. Nochtan soude Ludeken voers., ziin erfgenaem ende nacomelinge vors. den vorscreven praefst in der tijt betalen alzulken pacht ende penen, als hi dan in restant schuldich were. Voert bekent dieselve Ludeken , dat hi noch ziin erfgenamen ende nacomelinge dit vors. gued tot gheenre tijt vercopen, versetten noch versellen en solen, noch gene bezwaringe van pacht of van anderen onrade op dit voirs. goed brengen en solen buten consent ende wil deser vors. heren. Ende dit vors. gued sal al geheel bliven an enen naesten erfgenaem, ongesceiden ende ongedeilt. Voert bekent Ludeken voers., wert sake dat hy, siin erfgenamen ende nacomelinge voers. enich van desen voers. punten braken ende nyet en hielden noch en deden als vorscreven is, so vielen zy ende een yghelic van hem bysonder van allen recht ende toseggen, dat zy hadden of hebben mochten an desen vors. guede. Ende dit vorscreven gued sal dan vry, los ende ledich wedercomen an desen voers. heren horen vryen wil mede to doen, sonder enigerhande krot of hinder van Ludeken, zinen erfgenamen ende nacomelinge vorscreven, alzoeveer als ziit annemen wouden ende anders nyet. Alle argelist uutgesceiden. Ende om der mere vestenisse wil, want Ludeken voirs. wil, dat al dese vorwarden ende punten vast ende stede gheholden zullen wesen voer hem ende voir siin erfgenamen ende zine nacomelinge voirs., so hevet hij my ghebeden dese voirs. vorwarden ende punten over hem te besegelen tot enen getughe, want hij selven gheen segel en hevet. Daer dit ghesciede, waren an ende over als tugheslude heer Egbert Loberinghe, Leffart Ebelinghe, Lambert Wedekinge, Willam Ludinge, Hillebrant Mackinge, Wolter Tybbinge ende ander ghebuere. Ghegeven int jaer ons Heren dusent driehondert seven ende tneghentich des Dinxdaghes na sunte Laurensdach .
x
| Fonds | Oorkondenboek Groningen en Drenthe |
|---|---|
| Nr | 970 |
| Olim | Naar het origineel in het rijksarchief te Utrecht (Catal. van het Archief van St. Pieter no. 1006, Reg. no. 655), hoop 22,5 breed 35,5 cm. |
| Jaar | 1397 |
| Datumcode | MpLauren |
x
| Commentaar | Aan het stuk hangt een rond zegel in groene was, vertonende een vogel; randschrift LAVRENCI IVNKER . |
|---|