| Nummer:ogd0555 | Datum:18 aug. 1368 | Overlevering:Editie | Vindplaats:Oorkondenboek Groningen en Drenthe, nr. 555 |
Proost, deken en kapittel van St. Pieter te Utrecht geven aan Dideric Borcgherdes met vrouw en kinderen het goed Enekinge bij Meppel in gebruik op dezelfde voorwaarden als andere horige lieden daar goederen van hen in pacht hebben.
Alle denghenen, die dezen brief zellen zien of horen lezen, doe wi verstaen, proest, deken ende capitel der kerken van zinte Peter tUtrecht, dat
wi Dideric Borcgherdes, Wemmen, zinen echten wive, Johan, Henric ende Wouben, hoerre beyder echte kiinder, Enekinghergoet tot Mepplo, dat onsen
godshuze aenghecomen was, dat gheleghen is in den kerspel te Coldervene, hebben vercoft ende ghedaen te bruken, hebben ende te bezitten in allen
rechte ende manieren, alse onse horighe lude onse ander goede, die aldaer gheleghen ziin, hebben, bruken ende bezitten mit aldustanighen
vorwarden, alse hiernae bescreven staen. Dat is te verstaen, dat Dyderic, Vemme, Johan, Henric ende Woube voerscreven hebben zellen
Enekinghergoet, alsoe alset gheleghen is in die marcke tot Mepplo opten hoghen ende in den siden, ten holte ende ten felde, mit ware ende mit
scare, behoudelic onzen capitel ende onser proestien van zinte Peter ende bliven ende op te boren jaerlix alle die zeker renten, die tot
Enekenshuus horen ende die over dat goet ende Woltinghe ende Ovesinghegoet gheleghen ziin, van groven tienden, van smalen tienden, van boteren,
ende oec behoudelic ons alsulx pachts van hoenre, van hoinghe, van scipghelde ende van allen p[ac]ht ende . . . . t eweliken ons ende onser
proestien ghegheven ende ghedaen heeft, ende die toten huus horen ende daertoe ende over gheleghen ziint. Mer weer dat zake, dat Wemme ende hoer
kiinder alternate storven, die ons ende nae den goede horen, sender kiinder ende erfnamen, soe soude Dyderic dan vry bliven zitten in
Enekinghergoede ende soude dat goet bruken ende hebben tot sinen live om alsulken zekeren pacht ende recht alse over dat goet gheleghen is. Ende
wanneer dat Dyderic storve, soe quame Enekinghergoet mit alle zinen toebehoren dan vrielic weder sender enich wederzegghen van Dyderics erfnamen
oft van yemant aen ons ende onser kerken tsinte Peter vorghenoemt onsen vryen wille mede te doen. In oerconde des briefs bezeghelt mit on[s]er
kerken capitelszeghel. Ghegheven int jaer ons Heren duzent driehondert acht ende tsestich des Vridaghes nae onser Vrouwendach Assumptio.
wi Dideric Borcgherdes, Wemmen, zinen echten wive, Johan, Henric ende Wouben, hoerre beyder echte kiinder, Enekinghergoet tot Mepplo, dat onsen
godshuze aenghecomen was, dat gheleghen is in den kerspel te Coldervene, hebben vercoft ende ghedaen te bruken, hebben ende te bezitten in allen
rechte ende manieren, alse onse horighe lude onse ander goede, die aldaer gheleghen ziin, hebben, bruken ende bezitten mit aldustanighen
vorwarden, alse hiernae bescreven staen. Dat is te verstaen, dat Dyderic, Vemme, Johan, Henric ende Woube voerscreven hebben zellen
Enekinghergoet, alsoe alset gheleghen is in die marcke tot Mepplo opten hoghen ende in den siden, ten holte ende ten felde, mit ware ende mit
scare, behoudelic onzen capitel ende onser proestien van zinte Peter ende bliven ende op te boren jaerlix alle die zeker renten, die tot
Enekenshuus horen ende die over dat goet ende Woltinghe ende Ovesinghegoet gheleghen ziin, van groven tienden, van smalen tienden, van boteren,
ende oec behoudelic ons alsulx pachts van hoenre, van hoinghe, van scipghelde ende van allen p[ac]ht ende . . . . t eweliken ons ende onser
proestien ghegheven ende ghedaen heeft, ende die toten huus horen ende daertoe ende over gheleghen ziint. Mer weer dat zake, dat Wemme ende hoer
kiinder alternate storven, die ons ende nae den goede horen, sender kiinder ende erfnamen, soe soude Dyderic dan vry bliven zitten in
Enekinghergoede ende soude dat goet bruken ende hebben tot sinen live om alsulken zekeren pacht ende recht alse over dat goet gheleghen is. Ende
wanneer dat Dyderic storve, soe quame Enekinghergoet mit alle zinen toebehoren dan vrielic weder sender enich wederzegghen van Dyderics erfnamen
oft van yemant aen ons ende onser kerken tsinte Peter vorghenoemt onsen vryen wille mede te doen. In oerconde des briefs bezeghelt mit on[s]er
kerken capitelszeghel. Ghegheven int jaer ons Heren duzent driehondert acht ende tsestich des Vridaghes nae onser Vrouwendach Assumptio.
x
| Fonds | Oorkondenboek Groningen en Drenthe |
|---|---|
| Nr | 555 |
| Olim | Naar het afschrift voorkomende in no. 556 (ogd0556). |
| Jaar | 1368 |
| Datumcode | VpAssMar |