Theodericus, abt van Dokkum, I., prior van Klaarkamp en Frederik van Frekenhorst, legaat van de bisschop van Münster, doen uitspraak in de zaak van Godschalk, den kampvechter, en Geico.

In nomine sancte et individue Trinitatis. Ego Theodoricus, de Dockum Dei paciencia abbas, I., prior et monachus Claricampi, subdelegatus domini
H., abbatis loci ejusdem, et Frethericus de Frekenhorst, domini Ludolfi, episcopi legatus in Frisia sue diocesis, arbitri in causa, que
vertebatur inter Godescalcum pugilem et Geiconem, Herebrandi de Ripa plebani occisorem, super occisione ipsius Herebrandi a partibus
constituti, dilectis suis A. de Loppeshem decano et H. Upwirthe plebano et omnibus, ad quos hae littere pervenerint, salutem in Domino. Notum
facimus vobis, quod cum dissensio inter Godeskalcum et Geiconem super corpore Herebrandi occisi verteretur, nec non inter dominum Ludolfum,
Monasteriensem episcopum, et ipsum Geiconem super forma bannorum, in nos ex consensu partium solemniter in claustro Feldwirth tam de
compositione quam pro bannis est compromissum. Nos vero, diligenti super hiis Loppeshem cum prudentibus habito tractatu, in hoc concorditer
convenimus, quod senten-tiam domini episcopi, quam Fermeshem super ordinibus tulit, quantum ad nos fore ratam decernimus. Verum quia
penitentiarius domini pape pro jam dicto Geicone supplicavit, quatinus cum ipso dominus episcopus misericorditer agere dignaretur, nos pro
reverentia sancte Crucis de compositione per episcopum taxata trecentas marcas ex misericordia alleviamus, constituentes ut septingente marce
monete pro ordinibus dentur secundum consuetudinem terre memorate et CCte libre pro bannis domini episcopi etc. Actum est hoc anno Domini
MCCXXVIII Loppeshem, III Nonis Maji, feria VI proxima post Ascensionem Domini.

x

x

Fonds	Oorkondenboek Groningen en Drenthe
Nr	89
Olim	Naar het ms. in de universiteitsbibliotheek te Groningen (V q 4). Ook gedrukt Mon. Germ. Script. XXIII, S. 512, en bij Feith en Acker Stratingh, blz. 117.
Jaar	1228
Datumcode	VpAscDom

x

x

Materiaal	papier

x

Edities	P.J. Blok e.a., Oorkondenboek van Groningen en Drente, I (Groningen 1896), nr. 89.