Syger op de Haer verklaart te hebben verkocht aan de conventualen van Tremont zijn goed, geheten Tyarsema Oldeguet, gelegen tussen de Ae en de overvaart in de sloot op de Haer in het kerspel Marum in het land Vredewolt.

Ick Syger up die Haer bekenne ende betuege mit dessen openen brieve voer my ende
mynen arffgenamen dat ick hebbe vercoft, upgedraegen ende overgegeven den erwerdigen convents lueden van Tremont /al\ alsulcke
guede als ick liggende hadde up der Haer in den karspel van Marum des landes van Vredewolt gehieten Tyarsema olde guet, lant
sant, velt, ffeen, heminge myt die alinge doerghaende hoffmate ende den hoylande soe lange ende soe breet al ict ende myn salige huus-
ffrouwe mit mynen kynderen dat plach toe bruken ende toe besitten tuschen der Ae ende der Over vaer in den sloet voer een summa geldes
die my Syger voerbenoemd witlycken vol ende al den eersten penninck mit den lesten is betaelt toe mynen wille ende wil den voerbe-
noemden convents lueden vry ende veerdich waeren des koeps uplaets ende egendoems des vorscreven landes voer (my) alle die ghene den
des /in\ toekoemenden tyden mit rechte offte bueten rechte om mach boeren toe spreken. Des soe syn voer gekoemen Tetka, Ffrouc ende
Syuka bekennende ende belyende stede vast ende onverbroe-kelick toe holdende sunder anspraeke van naerkoep sie offte die hoere wat /dat\ Syger
oer vader doet myt dessen vorscreven lande. Hyr is mede toe gesproeken dat die convents luede van Tremont vorscre-ven mit den laydick
die plach toe hoeren toe dessen vorscreven lande ne sullen gheen doen schaede, last off onkost hebben van nu ten ewigen daegen alle argelist ende
nye vonde in dessen vorscreven punten doet ende uut genoemen. In oerkunde went ick Syger vorscreven selff gheen segell ne brueke heb ick gebe-
-denBenno Wyama nu toe der tyt grietman in der wester sylvesten ons vorscreven landes dessen brieff over my toe besegelen ende ick
Benno vorscreven om Sygers vorscreven bede willen hebbe des menen lans segell an dessen brieff doen hangen daer by an ende over weren als oerkundes
ende dedingesluede des vorscreven koeps Menno Allens, Henrick Walkens ende meer gueder luede genoech. Gegeven inden jaer ons heren MCCCC ende
tseventich des naesten maendaeges nae Allexii confessoris.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	73
Regestnr.	531
Olim	Arch. Klooster Trimunt, inv.nr. 9, reg. 1. Reg. Feith 1470.30.
Jaar	1470
Datumcode	LpAlexii

x

x

x

Materiaal	perkament

x