Burgemeesters en raad te Groningen verklaren dat Gheert ten Zijl, zijn vrouw Hebbele en Meerten, dochter van Hebbele, hebben verkocht en bij stoklegging overgedragen aan de ministerse en de zusters van het Olde Convent in de stad 5 1/2 roeden veen en een half vierendeel, gelegen in de marke van Zuutlaren ten oosten van het Diep, welke verklaring mede bezegeld wordt door Willem Jolinck, kerkheer te Zuudlaren.

Wij Borgemestere ende Raed in Groningen bekennen unde be-
tughen mit desen openen brieve dat vor ons synt gecomen Gheert ten
Zijl, Hebbele sijn huusvrouwe unde Meerten Hebbelen dochter unde becande
vor em unde oren erffgenamen dat sie samentlike mit guden vorberade vercofft
hebben unde opgedragen droeghen op unde gaven over der ministerschen unde
ghemene susteren van den Olden Convent in onser stad seste halff roede ve-
ens unde een half veerndel veens unde alle recht dat sie daer an hadden vry unde
quijt eweliken unde erffliken to ghebruken unde to besitten unde al oren vrijen
willen daer mede to doen unde van allen ansprake to vrijen Beholden Tru-
deken Ghysens unde Griete Canters een veerndel van enen schute torffs swarte
over dat vorscr. veen iaerlix to voeren om een summe geldes die Gheert Hebbele unde
Meerten becande dat em vol unde al is betaelt den eersten pennick mitten lesten
unde hebben den vorscr. susteren daer van stocklegginge gedaen alst gewoenlick
is in den lande daer dat vorscr. veen gelegen is Daer over unde an gewest hebn als
Buren van Zuetlaren Alert Coninck Herman Coninck sijn soen Johan Haytinck
unde Gheert Korenpoerting unde ander luden genoech meer Dit vorscr. veen is gelegen
in der marck van Zuutlaren op die oester zijde des diepps daer der monniken-
veen van Werffum by leghet op die noert zijde unde der susteren vorscr. veen by le-
ghet op die zuetzijde sonder alle argelist. In oerconde der waerheit heb wij on-
se stad zegel an dessen breeff gehangen unde om mere vestenisse soe heb wij
Gheert Hebbele unde Meerten vorscr. gebeden den eerbaren man Heren Willem
Jolinck kercher to Zuudlaren dessen breeff mede to bezegelen unde ick her Willem
vorscr. om bede wille Gheerdes Hebbele unde Meertens vorscr. heb mijn zegel an
dessen breeff gehangen in een tuech der waerheit gegeven in den iaer ons
heren Dusent vierhondert unde vijfftich Opp sunte Vitus dach des hilligen
martelaers Doe Henrick Baroldes, Otto Clant, Henrick Kater unde Evert Wig
boldes Borgemestere waren onser stad.

x

x

Archief	Groninger Archieven
Fonds	Kloosterarch.
Toegangsnummer	172
Inventarisnr.	20
Fol.nr.	fol. 116v
Regestnr.	277
Olim	Arch. Klooster Selwerd, inv.nr. 1, reg. 110.
Jaar	1450
Datumcode	Viti

x

x

Materiaal	perkament