| Nummer:zdd009 | Datum:19 juni 1410 | Überlieferung:Origineel | Fundstelle:Arch. Drie Delfzijlen, inv.nr. 0522, reg. 009 |
Wij Borghermeystere ende Raed in Gronyghen doen kundich allen luden myt dessen openen breve dat wij
umme mene nutticheit onser stad ende der lande de by ons gheleghen syn verdraghen synt myt den
achte zijlvesten ende myt Duerpmanne zijlvesten als van onsen gronyger depe buten Wijnsemer
zyle te bezylen In aldusdanen ghevoghe dat wij enen zijl zijllen setten by ghene zyt
van Aldynghehusen by der zylvestene rade voerscr. eweliken te holden by ons selven sunder
der zijlvestene schade ende bezwaeringhe Ede des zo hebbe wij ghelovet ende loven den voerscr.
zijlvesten dat wij hem willen helpen ende sterken se tot horen rechte in allen saken de ze
moghen bewijsen myt breven of myd olden ghewoenten de zee ghehad hebben voer desser tyt
ende te deser tyt in Drenthe Gho ende Wold Ende daer up zo hebben wij ontfanghen van den
voerscr. zijlvesten neghedehalf hondert gulden Ende des so en zulle wij die voerscr. zijlvesten
nyet meer anspreken te neghener tyd umme schot noch ummer werck noch waterynghe
to den vorscr. zyle Ende wij sijllen den voerscr. zijl staende holden up onse kest ende aerbeyt
sunder al arghelist Mer weer yement van hem de mede in dat deep weteren wijlde de
solde mede ghelden Hier is te gheseghet werd zake dat ons daer yemende an behinderen
wilde mit ghewalt of myt onrechte also dat wij den voerscr. zijl nyet setten en mochten
dat sijllen wij den voerscr. zijlvesten hem helpen keren. Ende woerde hem ende ons dat
also zeer behyndert dat wy ende zee dat nicht malcanderen nyet keren mochten of weerd
sake dat wy den zyl voerscr. niet en setten van sente Michele naest komende went over
enen jaer te sente Mychele daer naest komende zo sijllen wy den borghen den wy ghesed hebben
den zijlvesten dat voerscr. ghelt weder gheven Ende de zijlvesten ofte de borghen sijllen
ons onse breve weder gheven ende de borghen sijllen dan vrij wesen In orkende bese
ghelt met onsen stad Secreet Ghegheven in den Jare ons heren dusentvierhondert ende
tyen des denredaghes na sente Vites dach.
Zegel sur simple queue.
DORSO : Brief van verwissinge van de Stad Groningen an de 8 zijl vesten enz. om een zijl te leggen bij Aldingehuizen en verder accoort. 1410.
Onbekende hand.
umme mene nutticheit onser stad ende der lande de by ons gheleghen syn verdraghen synt myt den
achte zijlvesten ende myt Duerpmanne zijlvesten als van onsen gronyger depe buten Wijnsemer
zyle te bezylen In aldusdanen ghevoghe dat wij enen zijl zijllen setten by ghene zyt
van Aldynghehusen by der zylvestene rade voerscr. eweliken te holden by ons selven sunder
der zijlvestene schade ende bezwaeringhe Ede des zo hebbe wij ghelovet ende loven den voerscr.
zijlvesten dat wij hem willen helpen ende sterken se tot horen rechte in allen saken de ze
moghen bewijsen myt breven of myd olden ghewoenten de zee ghehad hebben voer desser tyt
ende te deser tyt in Drenthe Gho ende Wold Ende daer up zo hebben wij ontfanghen van den
voerscr. zijlvesten neghedehalf hondert gulden Ende des so en zulle wij die voerscr. zijlvesten
nyet meer anspreken te neghener tyd umme schot noch ummer werck noch waterynghe
to den vorscr. zyle Ende wij sijllen den voerscr. zijl staende holden up onse kest ende aerbeyt
sunder al arghelist Mer weer yement van hem de mede in dat deep weteren wijlde de
solde mede ghelden Hier is te gheseghet werd zake dat ons daer yemende an behinderen
wilde mit ghewalt of myt onrechte also dat wij den voerscr. zijl nyet setten en mochten
dat sijllen wij den voerscr. zijlvesten hem helpen keren. Ende woerde hem ende ons dat
also zeer behyndert dat wy ende zee dat nicht malcanderen nyet keren mochten of weerd
sake dat wy den zyl voerscr. niet en setten van sente Michele naest komende went over
enen jaer te sente Mychele daer naest komende zo sijllen wy den borghen den wy ghesed hebben
den zijlvesten dat voerscr. ghelt weder gheven Ende de zijlvesten ofte de borghen sijllen
ons onse breve weder gheven ende de borghen sijllen dan vrij wesen In orkende bese
ghelt met onsen stad Secreet Ghegheven in den Jare ons heren dusentvierhondert ende
tyen des denredaghes na sente Vites dach.
Zegel sur simple queue.
DORSO : Brief van verwissinge van de Stad Groningen an de 8 zijl vesten enz. om een zijl te leggen bij Aldingehuizen en verder accoort. 1410.
Onbekende hand.
x
| Archiv | Groninger Archieven |
|---|---|
| Bestand | Arch. Drie Delfzijlen |
| Zugangsnummer | 708 |
| Inventarnr. | 0522 |
| Regestnr. | 009 |
| Jahr | 1410 |
| Datumcode | JpViti |