Wy borgermestere ende Raed ende in Groningen betugen myt dessen openen breve dat voer ons is ge-
komen Syabbe Lyuppema to Anzelens ende bekande voer em ende sine erffgenamen dat hie hevet
verkofft upgedragen ende overgegeven den vogheden van sunte Gertrude gasthuus in Peperstrate
in onser stad tot behoeff des gasthuuses vors. dat huus myt den heme ende myt vyffendetnegen
tich grase landes inde Heydenscap gelegen daer de breff van spreket daer desse breeff
doer getogen is vry ende quijt Erffliken ende ewliken in allen formen ende manieren to bruken
ende to besitten alze de selve breeff daer aff inholdet ende uutwyset voer ene summe geldes
die Syabbe vors. bekande dat em vull ende all is betaelt sunder argelist. Dat Orkonde
wy myt onser stad zegell. Ghegeven inden jair ons heren dusent vierhundert tsessendetsestich des
saterdages voer der hilliger drier koninge dach. Doe Johan Potter, Wygbolt Lewe, Johan
Tedema ende Roloff Huginge borgermestere waeren onser stad.

x

x

Archiv	Groninger Archieven
Bestand	Sint-Geertruidsgasthuis
Zugangsnummer	1357
Inventarnr.	0091
Jahr	1466
Datumcode	SaEpipha

x

x

Material	perkament