| Nummer:oub1510 | Datum:Aurich, 10. Nov. 1496 | Überlieferung:Editie | Fundstelle:Ostfriesisches Urkundenbuch, II, S. 517, nr. 1510 |
Da die vom Grafen Edzard bestimmten Abgesandten beide erkrankt sind, so dass sie zu der auf den 26. November anberaumten Tagfahrt nicht in Burmönken erscheinen können, bittet Graf Edzard den Häuptling Edo Wiemken die Zusammenkuuft erst am 28. November zu halten.
Deme erberen unde duchtighen Eedo Wymeken, tho Jever hovetling, fruntliken ghescreven. Edzardt, grave tho Oestvreslandt etc. Eerber unde duchtighe guede frunt. Juwe schrift an uns benaelt, vermeldende van Gherliche Schulten, juwenthalven den bestemmeden dach[*] tusken uns unde juw to holdende solde helpen waerden, syner wegene gheleides begerende etc., synt dan de werdighe abbeth tho Thedingh unde Victor Vrese alle beide mijt krancheiden bevanghen, de unser wegene bestemmet sijn den dach to waerdende, see des dages uppe de seker tijt nicht konen waren; schriven wy juw daerumme den dach up beth uppe den maendach voer Andree apostoli daghe[*] schyrstkomende to Bursmonken int cloester to vromyddaghe, dat welke wy juw in den besten so geven irkennen. Datum Avercke, ame avende sunte Merten, im jaer etc. XCVIo.
