| Nummer:oub1364 | Datum:18. Juli 1493 | Überlieferung:Editie | Fundstelle:Ostfriesisches Urkundenbuch, II, S. 392, nr. 1364 |
Notiz über eine Abrechnung der Emder Bürgermeister über die Deichunterhaltungskosten.
Item uppe den donderdach voer sunte Marien Magdalenen, in deme jaere unses Heren mynner tall dree unde negentich, hebben de borgermestere der stadt Emeden rekenschup ghedaen van der dijke weghene, dat see upgheboert ende weder uthgegeven hebben, dat ene tyeghen dat ander uthghedaen, so bliven de borgermestere vorg. schuldich van olt ende nye, al wes se upgeboert hebben, viftehalfhundert Arnsgulden unde vifteyn, uppe dessen dach ganck unde gheve, in jegenwaerdicheyt der erberen ende duchtighen hovetlinghe Beno, provest to Uthtum, Aylko unde Gherolt to Uphusum, ghebrodere, Tanno tho Oldersum, Coert Kremer, Hilmer Sybensna, Bolardus van Jemghen, Udo Meyena, Uffo van Jeenlet unde Clawes Goltsmyt, raetmanne. Ame dage unde jaere vorg.
Noch bliven de borgermestere sculdich 38 Arnsgulden, myn 3 krumsteert, ame vorg. dage. Noch mijn 3 Arnsgulden, ock ame vorg. dage, all dat gerekent als hijr na volget.
Nicolaus de Bingum.
Noch bliven de borgermestere sculdich 38 Arnsgulden, myn 3 krumsteert, ame vorg. dage. Noch mijn 3 Arnsgulden, ock ame vorg. dage, all dat gerekent als hijr na volget.
Nicolaus de Bingum.
