| Nummer:oub1268 | Datum:Laon, 11. Mai 1490 | Überlieferung:Editie | Fundstelle:Ostfriesisches Urkundenbuch, II, S. 313, nr. 1268 |
Derselbe dispensirt das Kloster Langen für die Adventszeit von dem strengen Fastengebot.
Hubertus ... u. s. w. wie in der vorigen Nummer ... dyocesis Monasteriensis totique conventui salutem in Domino. Ut cunctos actus vestros sic provida discretaque circumspectione dirigatis, quod mentibus vestris scandalum generari aut a quocunque irreprehensibili iudicari non possit, vestris desideriis libenter intendimus eaque favoribus prosequimur opportunis. Cum itaque in monasterio vestro temporibus et diebus adventus Domini, in quibus alimentis, sicuti quadragesimalibus temporibus consuetum est, vivere tenemini, piscibus et aliis victualibus in dicto adventu ad vestram sanitatem necessariis carere contingat, vobis omnibus et singulis utriusque sexus personis nobis subditis, ut lacticiniis et huiusmodi cibis aliis, quibus religiosi nostri sepedicti ordinis aliis temporibus, carnibus dumtaxat exemptis, uti, frui et vesci possitis et valeatis, et quilibet vestrum valeat et possit, tenore presentium facultatem gratiose concedimus, pariter et dispensamus, statutis quibuscunque nostri ordinis in contrarium editis non obstantibus. Datum in monasterio sancti Martini Laudiniensis nostri dicti ordinis, sub sigillo nostri generalis capituli, die undecima mensis Maii anno Domini millesimo quadringentesimo nonagesimo, sedente ibidem nostro generali capitulo.
G. Falendin (?) scripsit.
G. Falendin (?) scripsit.
