| Nummer:oub1203 | Datum:Esens, 26. Dez. 1487 | Überlieferung:Editie | Fundstelle:Ostfriesisches Urkundenbuch, II, S. 265, nr. 1203 |
Ritter Hero von Dornum an seinen Schwager Edo Wiemken in Betreff der ihm auf der Zusammenkunft mit dem Propst von Bardowik gemachten Zusagen.
Deme erbaren unde duchtighen Eden Wymykem tho Jever etc. hovetlingh, mynem leven swagher, vruntliken gheschreven.
Erbaer unde duchtighe leve swager. Juvver leiffden schriffte myt bischriffte des ersamen rades tho Bremen hebbe ick doien lesen unde ir inholdene woll vornomen, myne schriffte meer lenger vormelden, denne de werdige here, her Hinrik Boukholt, prowest tho Barderwik, des eyn deill anders denne de schriffte vormeldende vorstaen hebben, beroren, welker overeynkominge doch neymande meer offte beth kundich iss, denne juwen erbarheiden unde juvven amptmanne Hinrike Schroder, des ik my nicht vorseen hadde na irschine syner credencie, sodane vordracht unde belevinge vorwundert unde vromede nympt, scholde werden enthoghen, vorder schrivende de obgemelten fanghen juwen leyfften tho willen unde leifmonde (!) in juwe hanth quidschelden, indeme en van juw noch moghe schrifftliken vorwitliket werden, by weme in myne zake to ene hebbende vormeyne in fruntschoppe edder yn rechte vulmechtich tho vorblivende setten wille, darupp ick juw vruntliken bidde wethen, angeseen de ersten vordrachte unde uthsproke dorch den eeren vulmechtigen bearbeidet nicht en wert gheholden tor tyd entlikes unde sunderges nicht en weith tho vorwitlikende, behalven my noch wohl sinlik unde tho willen were, dat jenne van dem eeren bededinget unde besproken vorwort ghelik dat myne, wedderumme beghaen, vullentogen unde gheholden werden mochte, denn also gheschege, der vorblivinghe ick my to heren unde vrunde limplik unde gudwillich will lathen vinden. Gode almechtich langh ghesundt zalich wolmogende bevalen. Ghegeven tho Esensen, ame daghe Steffani prothomartiris anno etc. LXXXVIIo.[*]
Hero van Dornym, ritther, Esensen, Stedestorpp unde Witmunde hovetlingh.
Erbaer unde duchtighe leve swager. Juvver leiffden schriffte myt bischriffte des ersamen rades tho Bremen hebbe ick doien lesen unde ir inholdene woll vornomen, myne schriffte meer lenger vormelden, denne de werdige here, her Hinrik Boukholt, prowest tho Barderwik, des eyn deill anders denne de schriffte vormeldende vorstaen hebben, beroren, welker overeynkominge doch neymande meer offte beth kundich iss, denne juwen erbarheiden unde juvven amptmanne Hinrike Schroder, des ik my nicht vorseen hadde na irschine syner credencie, sodane vordracht unde belevinge vorwundert unde vromede nympt, scholde werden enthoghen, vorder schrivende de obgemelten fanghen juwen leyfften tho willen unde leifmonde (!) in juwe hanth quidschelden, indeme en van juw noch moghe schrifftliken vorwitliket werden, by weme in myne zake to ene hebbende vormeyne in fruntschoppe edder yn rechte vulmechtich tho vorblivende setten wille, darupp ick juw vruntliken bidde wethen, angeseen de ersten vordrachte unde uthsproke dorch den eeren vulmechtigen bearbeidet nicht en wert gheholden tor tyd entlikes unde sunderges nicht en weith tho vorwitlikende, behalven my noch wohl sinlik unde tho willen were, dat jenne van dem eeren bededinget unde besproken vorwort ghelik dat myne, wedderumme beghaen, vullentogen unde gheholden werden mochte, denn also gheschege, der vorblivinghe ick my to heren unde vrunde limplik unde gudwillich will lathen vinden. Gode almechtich langh ghesundt zalich wolmogende bevalen. Ghegeven tho Esensen, ame daghe Steffani prothomartiris anno etc. LXXXVIIo.[*]
Hero van Dornym, ritther, Esensen, Stedestorpp unde Witmunde hovetlingh.
