| Nummer:oub1199 | Datum:Esens, 31. Okt. 1487 | Überlieferung:Editie | Fundstelle:Ostfriesisches Urkundenbuch, II, S. 261, nr. 1199 |
Ritter Hero von Dornum an Bremen: wegen der von dieser Stadt verübten Wegnahme von Schiffen und Waaren des Ernst von dem Busche auf Heros Gebiet und in dessen Geleit.
Den ersamen vorsichtigen unde wolwisen borgermesteren unde radmannen der stad Bremen, mynen gude vrunden.
Vruntliken gruth allewege tovoren. Ersamen guden vrundes. Hebbe ick uth horseggende vorstanden, gy deme duchtigen unde erbaren Ernste van dem Busche, syne hulpere, schepen unde ingeschepeden guderen, de ick upp eyn recht to juwes kopmans beste uppe mynen wateren unde stromen geleidet hadde, daraf genomen hebben, des ick doch to juw nicht vorseen hadde, ensodans van juw beschen hebben scholde, dar my nicht mede steid to lidende; worumme, guden vrundes, is myn beger unde ernstafftige wille, gy den gedachten Ernste syne hulpere, schepe myt ingeschepeden guderen wedder tor handt uppe de affgenomede stede fogen ende bestellen, denn also nicht en geschege, will unde menth ik my mynen vorbundinghe an juw unde den juwen hebben, unde holden myne strome, wateren unde lande rechteswis to vorantwordende. Gode bevalen. Schreven to Esensen, ame avende omnium sanctorum, anno etc. LXXXVIIo.[*]
Hero van Dornym ritter, Esensen, Stedestorpp unde Wytmunde etc. hovetling.
Vruntliken gruth allewege tovoren. Ersamen guden vrundes. Hebbe ick uth horseggende vorstanden, gy deme duchtigen unde erbaren Ernste van dem Busche, syne hulpere, schepen unde ingeschepeden guderen, de ick upp eyn recht to juwes kopmans beste uppe mynen wateren unde stromen geleidet hadde, daraf genomen hebben, des ick doch to juw nicht vorseen hadde, ensodans van juw beschen hebben scholde, dar my nicht mede steid to lidende; worumme, guden vrundes, is myn beger unde ernstafftige wille, gy den gedachten Ernste syne hulpere, schepe myt ingeschepeden guderen wedder tor handt uppe de affgenomede stede fogen ende bestellen, denn also nicht en geschege, will unde menth ik my mynen vorbundinghe an juw unde den juwen hebben, unde holden myne strome, wateren unde lande rechteswis to vorantwordende. Gode bevalen. Schreven to Esensen, ame avende omnium sanctorum, anno etc. LXXXVIIo.[*]
Hero van Dornym ritter, Esensen, Stedestorpp unde Wytmunde etc. hovetling.
x
| Bestand | Ostfriesisches Urkundenbuch, II |
|---|---|
| Fol. Nr. | S. 261 |
| Nr | 1199 |
| Olim | Orig. Pap. im Archive zu Bremen. |
| Jahr | 1487 |
| Datumcode | vOmnSan |