| Nummer:oub1195 | Datum:Esens, 18. Okt. 1487 | Überlieferung:Editie | Fundstelle:Ostfriesisches Urkundenbuch, II, S. 258, nr. 1195 |
Ritter Hero von Dornum an Bremen in der Intercessionssache für Ernst von dem Busche. Vergl. Nr. oub1194.
Den ersamen vorsichtigen unde wolwisen heren borgermesteren unde radmannen der stad Bremen, synen guden vrunden, fruntliken gescreven.
Mynen fruntliken gruth unde wes ick leves vermach tovoren. Ersamen unde wolwisen guden vrundes. Juwe breveschafte, nu int lateste an my benalet, hebbe ick gelesen unde in wolmende verstanden, inholdene van dem geduchtigen Ernste van dem Busche andrependen etliker nalatene gudere synes vulschuldigen eygen mans in juwer stad in God verstorven entholden, dar he in de lenge nicht mede gedachte to lidene, in de lange juwe schrifte vorbat vormelden etc.; begerende, ick den genanten Ernst myt gudlikhen wolde doen vorfogen unde bestellen, he sodane twistsake undermalk synde anstelle unde vredeliken entghene, darupp ick juwen leiffden vruntliken foge to wetende, ick myt dem benomde Ernste van dem Busche derhalven angelecht unde swarlike bearbeides besproken seggende, he vorwaringhe an juwe also entsechte angheven gedaen hebbe, en sodanes nicht en geschen were, wolde he sik schikliken ende lympliken fynden lathen. Mochte ick juwen leiffden in eynen denensulven edder meer grothern to leyffmode edder willen, de ick Gode almechtich lange wolmogende bevele, behagen, doe ick allewege gerne. Ghegeven to Esensen, ame dage Luce evangeliste, anno etc. LXXXVII.[*]
Hero van Dornym ritter, Esensen, Stedestorpp unde Wytmunde etc. hovetling.
Mynen fruntliken gruth unde wes ick leves vermach tovoren. Ersamen unde wolwisen guden vrundes. Juwe breveschafte, nu int lateste an my benalet, hebbe ick gelesen unde in wolmende verstanden, inholdene van dem geduchtigen Ernste van dem Busche andrependen etliker nalatene gudere synes vulschuldigen eygen mans in juwer stad in God verstorven entholden, dar he in de lenge nicht mede gedachte to lidene, in de lange juwe schrifte vorbat vormelden etc.; begerende, ick den genanten Ernst myt gudlikhen wolde doen vorfogen unde bestellen, he sodane twistsake undermalk synde anstelle unde vredeliken entghene, darupp ick juwen leiffden vruntliken foge to wetende, ick myt dem benomde Ernste van dem Busche derhalven angelecht unde swarlike bearbeides besproken seggende, he vorwaringhe an juwe also entsechte angheven gedaen hebbe, en sodanes nicht en geschen were, wolde he sik schikliken ende lympliken fynden lathen. Mochte ick juwen leiffden in eynen denensulven edder meer grothern to leyffmode edder willen, de ick Gode almechtich lange wolmogende bevele, behagen, doe ick allewege gerne. Ghegeven to Esensen, ame dage Luce evangeliste, anno etc. LXXXVII.[*]
Hero van Dornym ritter, Esensen, Stedestorpp unde Wytmunde etc. hovetling.
