| Nummer:oub1025 | Datum:Zwolle, 20. Nov. 1479 | Überlieferung:Editie | Fundstelle:Ostfriesisches Urkundenbuch, II, S. 111, nr. 1025 |
Der Prior des Predigerklosters zu Zwolle gewährt den Wunsch des Heinrich Mathie und dessen Frau Geseke (zu Emden), der Brüderschaft des neuen Klosters St. Thome de Aquino zugezählt zu werden und macht sie aller guten Werke des Ordens theilhaftig,
Devotis et in Cristo Jhesu sibi dilectis Hinrico Mathie et Geseken uxori eius [*] frater Nycolaus de Leydis ordinis fratrum Predicatorum, prior immeritus conventus Swollensis, salutem et in Domino continuum gracie salutaris augmentum. Exigenti pie vestre devocionis affectu, quo fraternitati sancti Thome de Aquino in novo nostro predicto conventu asscribi voluistis, vos omnium missarum, oracionum, predicacionum, vigiliarum, abstinenciarum, ieiuniorum, laborum ceterorumque bonorum omnium, que per fratres nostri ordinis et sorores Dominus noster Jhesus Christus per mundum fieri dederit universum, participes esse declaro tenore presencium in vita pariter et in morte, quemadmodum auctoritas reverendissimi magistri tocius nostri sacri ordinis nostro conventui delegata ex curia Romana atque capitulo generali clarius manifestat. Volo insuper, ut anime vestre post decessus vestros fratrum nostrorum recommendentur oracionibus nostro capitulo cotidiano, si obitus vestri nobis fuerint nunciati. In cuius concessionis testimonium sigillum mei prioratus officii duxi presentibus appendendum. Datum Swolle, anno Domini Mo CCCCo LXXIXo, mensis Novembris die v.. vicesima.
