| Nummer:oub0805 | Datum:25. Sept. 1464 | Überlieferung:Editie | Fundstelle:Ostfriesisches Urkundenbuch, I, S. 697, nr. 805 |
Der Rath von Lübeck bittet den Junker Sibo von Esens, die beiden von seinen Leuten genommenen Hanseschen Schiffe frei zu geben.
Deme namhafftigen unde ersamen juncheren Syben tho Esenyss unde Witmunde hovetlinghe unseme guonstigen gudeme guonner.
Recepta XXII Octobris anno LXIIII.
Unsen frundliken grud mit vermogen alles guden tovorn. Namhafftige unde ersame juncher, gunstige gude gunner. Uns in biigebracht, wo dat nu unlanges geleden etlike juwe undersaten unde dener twe schepe mit den innehebbenden guderen, etliken unses radeskumpanen, borgeren unde kopluden van der dutschen hense tobehorende, darvan de schippers gewest zint Hinrik Backer unde Eggerd Witte, genomen scholen hebben, des wy uns van en yo vorhopet hedden umbesorget to wesende, nademe wy mit juw unde den juwen nicht dan leve unde frundschopp en weten etc. Bidden unde begheren hyrumme deger andachtigen, juwe ersamen leve, also vorfogen unde bestellen wille, dat den ersamen unsen radeskumpanen, borgeren unde kopluden sodane twe sehepe mit den innehebbenden guderen umbehindert unde ungedelet in ereme wesende gudliken weddergekort mogen werden. Dat vorschulden wy umme juwe ersamen leve allewege gerne, de God almechtich beware in suntheid lange wolmogende, unde wes de obgenanten unses radeskumpane, borgere unde koplude desser unser schriffte unde bede geneten moghen, des beghere wy juwe gudlike richtighe bescreven antworde by desseme jegenwardigen. Screven under unser stad secrete, amme dinxedage vor Michaelis archangeli, anno LXIIII.
Borgermestere unde radrnanne der stad Lubeke.
Recepta XXII Octobris anno LXIIII.
Unsen frundliken grud mit vermogen alles guden tovorn. Namhafftige unde ersame juncher, gunstige gude gunner. Uns in biigebracht, wo dat nu unlanges geleden etlike juwe undersaten unde dener twe schepe mit den innehebbenden guderen, etliken unses radeskumpanen, borgeren unde kopluden van der dutschen hense tobehorende, darvan de schippers gewest zint Hinrik Backer unde Eggerd Witte, genomen scholen hebben, des wy uns van en yo vorhopet hedden umbesorget to wesende, nademe wy mit juw unde den juwen nicht dan leve unde frundschopp en weten etc. Bidden unde begheren hyrumme deger andachtigen, juwe ersamen leve, also vorfogen unde bestellen wille, dat den ersamen unsen radeskumpanen, borgeren unde kopluden sodane twe sehepe mit den innehebbenden guderen umbehindert unde ungedelet in ereme wesende gudliken weddergekort mogen werden. Dat vorschulden wy umme juwe ersamen leve allewege gerne, de God almechtich beware in suntheid lange wolmogende, unde wes de obgenanten unses radeskumpane, borgere unde koplude desser unser schriffte unde bede geneten moghen, des beghere wy juwe gudlike richtighe bescreven antworde by desseme jegenwardigen. Screven under unser stad secrete, amme dinxedage vor Michaelis archangeli, anno LXIIII.
Borgermestere unde radrnanne der stad Lubeke.
x
| Bestand | Ostfriesisches Urkundenbuch, I |
|---|---|
| Fol. Nr. | S. 697 |
| Nr | 805 |
| Olim | Orig. im Archive zu Lübeck. |
| Jahr | 1464 |
| Datumcode | MaMichae |