| Nummer:oub0743 | Datum:9. Juni 1459 | Überlieferung:Editie | Fundstelle:Ostfriesisches Urkundenbuch, I, S. 642, nr. 743 |
Hayo Clenc und seine Frau None bekunden, dass das Moor zu Scharrel, welches Remet, der Sohn Jutta’s beansprucht, wohl seit 30 Jahren dem Kloster Langen gehöre.
Wy Hayo Clenc unde None, echteluden, enkennen unde betugen in dessem openen breve, dat ons witlick unde kondich is, dattet moer, dattet Remmet Jutten zone to Scarle[*] anspreket, is van Nonen vrienden uut ghecomen is ende gegeven den broeders to Langen, um Goedes willen, der zielen to denkene, daer dat van uut ghecomen is. Oec welke broeders dat voergescr. moer hebben ghebruket vry ende veerdich wal 30 jaer sonder ansprake. Hier willen wy to doen als ons een recht to wiset, is des vorder noet. In orkunde desser waerheit so heb ic heer Johan, curet to Rameslo, umme bede willen Hayen unde Nonen voerscreven myn ingesegel up spacium dessen brieves ghedrucket. Datum anno Domini MoCCCCoLIXo, ipso die Primi et Feliciani martirum.
