| Nummer:oub0398 | Datum:7. Sept. 1431 | Überlieferung:Editie | Fundstelle:Ostfriesisches Urkundenbuch, I, S. 368, nr. 398 |
Auricherland, Süderland und Kloster Ihlo verkaufen dem Kloster Aland innerhalb und ausserhalb des Deiches belegenes Land für 40 Gulden.
Allen guden erberen Versen in Oestvreslant beseten unde allen guden luden gheesteliken ende weerliken sijt wijtlick ende kundich in desen apenne breve, dat gans Auwerkerlant ende dat Zuderland ende Yle myt vulbord ende guden berade des meene meentes in den lande beseten, hebben vercoft to vrijen cope to ewighen tijden deme provest ende convente to Alande dat lant ende erve bynnen den dijke ende buten den dijke vor wertich gulden, als gang ende gheve sijnd, mijt den dijke[*] alzo vele als den lande vorscr. tobehoret van den dijken op den Kalmer[*] van twelve redscapes (so) weghen sunder alle underwijndes, wat Brockmerlant tobehoret, ende de convente schal an em nemen als nu maket sijnd den landen daer an vor(t) vorwyssen, in alzulke maneren off dat velle, dat die weldighe hant hijr enboven jenich wald wolde bewijsen, dat schal de ganse ghemente uet dessen vorscr. landen vorkeren, unde levereren[*] deme convente dat land ende erve loss ende vrij; weert ever zake, dat de meente dat nijcht mochte vrijen, so scholen de lande ende meente sijch weder holden an dijken sunder (des) conventes schade, ende werd zake, dat dese coep...invallich werde, so schal de convente die dijken maken als ghevunden sijnd. Desen coep to vervasten ende to confirmeren heft Auwerkerlant to becoren Thiarch Menghersna, Nonna Bengana to Hastum, [*] Nonna Lyuddisna to Extum, [*] Thiarch Clauwesna to Westerende, [*] Thiarch Sunkana...mma to Wallinghusen, [*] Hayo Rynana to Egelstum, [*] Hayo Ubkana ende Lyubbo Froukana to Schijrna, [*] Ulbed Rykana to Westerzondum, [*] Frederick Alricksna to Rode, [*] Wilham Mertisna to Holdorpe, [*] Yna Hyppana to Aldathorp[*] unde Wilham Wybana to Velde.[*] Van des Zudenlandes weghen ijs to koren Bole Hayana, Thompa Mertsna to Simiswalde, [*] Tada Thiardisna, Auwo ende Euwe inne Rype, [*] Sybin Froutarsna ende Sijben Udana to Ochtleburen, [*] Thijo Wilhinsna ende Siptat Folkarsna to Bonxtum.[*] Inne merer bekantnisse ende tuchnisse desser waerheid hebben wij hern Poppo abbet ende convente to Yle unse inghezegele myt des meene landes inghezegel hangen an desen breve. Screven int jaer unses Heren dusent veerhundert ende eenendertich, up onser lever vrouwen avent des lateren.
