| Nummer:oub0352 | Datum:10. Juni 1427 | Überlieferung:Editie | Fundstelle:Ostfriesisches Urkundenbuch, I, S. 318, nr. 352 |
Ocko tom Brok bekundet, dass der Rath von Bremen dem Focko Ukena in seinem Namen siebenhundert Arensgulden verschrieben habe.
Wv juncher Ocke to Broke, Awerke unde Emeden, hovetling in Oestvreschland, bekennen unde betugen openbare in dessem breve, dat wy hebben ghebeden unde geheten den ersamen rade der stad to Bremen, dat se vor uns hebben gelovet Focke Ukens hovetlinge to Hlere vor seven hundert Arnnsgulden, [*] welke seven hundert Arnnsgulden me schal entrichten unde betalen Focken vorben. nu to sunte Jacopes dage negest to komene, unde oft des de ergenante rad to Bremen in jenighen schaden ofte unwillen quemen, dar van schulle unde wille wy se degher unde al vrien, quijten unde entheven, also dat se des yo sonder schaden scholen bliven unde wesen, unde desset love unde wilkore wy juncher Ocke vorben. an guden truwen unde heben gelovet unde gesworen, loven unde sweret mit upgerichteden lifliken vingeren stavedes edes an den hilgen stede, vast unde unvorbroken to holdene sunder jenigerleye weddersprake, hulperede, nygevunde unde alle argelist, unde hebben des to tuge unse ingesegel gehangen to dessem breve. Datum anno Domini Mo CCCCo vicesimo septimo, feria tercia Penthecostes.
