| Nummer:oub0206 | Datum:Den Haag, 27. April 1407 | Überlieferung:Editie | Fundstelle:Ostfriesisches Urkundenbuch, I, S. 172, nr. 206 |
Herzog Wilhelm von Baiern, Graf von Holland, schliesst mit den Häuptlingen Voss Greetsiel Norden einen Waffenstillstand.
Willem etc. doen cond allen luden, dat wy voir ons, onsen landen, onderzaten ende hulperen gegeven hebben ende geven mit desen brieve enen goeden vasten vrede Haro ende Enne hoeftlinghen in der Greet ende to Norden, horen landen, onderzaters ende hulpers, alsoe dat hoer lude sullen varen ende keren binnen desen vrede te water ende te lande, veylich te wesen lyfs ende goeds voir ons ende voir alle die ghene, die om onsen wille doen off laten willen sonder argelist; ende desen vrede sal ingaen up ten date des briefs ende gedueren dairna alsoe lange, als die vrede gedueren sal, die stat tusschen ons ende onsen ondersaten den Oestvriesen, dat te weten tot sinte Michiels dage toe naistcomende. In oirconden etc. Gegeven in den Haghe des woensdages voir Meydach int jair MCCCC ende zeven.
