| Nummer:oub0068 | Datum:Oestringfelde, 25. Jan. 1350 | Überlieferung:Editie | Fundstelle:Ostfriesisches Urkundenbuch, I, S. 69, nr. 68 |
Die Eingesessenen der Länder Ostringen und Wangerland schenken wegen der herrschenden Pest zur Versöhnung Gottes dem Predigerkloster zu Norden die Kirche zu Marienfeld (Oestringfelde) zur Anlegung eines Klosters für Nonnen des Prämonstratenser-Ordens.
Universis Christi fidelibus presentia visuris sive audituris, nos Merongo, Ericus, Hilder, dominus Iggwinus, curati ecclesiarum in Wadverden, [*] Zelanstede, [*] Hoekercken, [*] Wyppense, [*] et Heddo Enoma, Aylwardus Wylbudesna, Lyudricus Hyddulana, Rycaldus Pybana, Meno de alta domo, Ethebudus Radinga, iuvenis Heddo de Wyllense, [*] Hero Tyardesna, Idzerdus Gordisna, Ins Thiarkesna, Tidardus Uffana, Hyddo Libudesna, Alricus Walysna, Goedescalcus Thyadana, cum ceteris iudicibus ac potentibus necnon communitate cleri et populi terrarum Astringe et Wange, [*] cupimus rerum gestarum infra scriptarum[*] cognoscere veritatern. Cum in multis et magnis tribulationibus et molestiis, angustiis inconsuetis constituti essemus per miserabilem, que nos circumdedit, pestilentiam, quid agere debeamus[*] mentibus consternati, ut ira Dei mitigaretur et super nos Omnipotentis cessaret indignatio, divine non immemores clementie ipsius gratiam, que dat omnibus affluenter, tota (sic) mentis conamine implorantes aliquod nobis salubre remedium flagitavimus impertiri. Sane ad memoriam reducentes, quod ecclesia sive capella in campo sancte Marie[*] sita, de communite (sic) sumpta et ecclesiis universitatis terre nostre, in honorem sanctissime virginis Marie fundata sit pariter et dotata, sed cultus divinus per mortem clericorum ibidem quondam residentium minus quam deceat exercetur (sic), nos Spiritu Sancto ut speramus inspirante, pietate ac devotione moniti, supradictam ecclesiam sive capellam ob salutem animarum nostrarum unanimi voto fratribus Predicatorum in Norda perpetuo[*] donavimus pro claustro sororum sui ordinis edificando ibidem, ubi ad minus sex fratres sacerdotes dicti ordinis debent residere, sub quorum cura ac diligenti providentia ipsum claustrum valeat tam in spiritualibus quam in temporalibus religiose gubernari, fidutiam gerentes in Domino spiritualem, ut per ipsorum consilia saluberrima in verbi divini in ipso loco resonantia et preconia nobis eterne premium augeatur (sic) et animarum salutis incrementa felicia procurentur, transferentes in prefatum conventum prenominatam ecclesiam sive capellam cum iure patronatus[*] possessionibus necnon universis fructibus, pecoribus, obventionibus[*] tam habitis quam habentis (sic) cum aliis quibusvis attinentiis, quantum possumus pleno iure, eximentes claustrum et locum supradictum a cetuum[*] observatione et a secularium iudicum iurisdictione, quam ibi ratione ecclesie vel terrarum exercere consueverant et habere, cupientes nichilominus antedicto claustro fideliter operam dare in edificiis construendis pro monasterii et turris consummatione[*] et in ceteris claustri[*] necessitatibus nostris laboribus necnon elemosinis quantum poterimus cooperari. Promittentes insuper prefatum conventum ab[*] omnibus iniuriis molestiis et gravaminibus indebitis quantum nostre possibilitati permittitur a nobis ac nostris successoribus firmiter ac favorabiliter defensari. Acta sunt hec in campo sancte Marie coram honestis viris clericis et[*] laicis supra nominatis necnon coram fratre Tammone de Wyllale (sic) et fratre Rodolpho de Iewere et fratre Harrone de Boycmonia ceterisque pluribus fide dignis. Anno Domini Mo CCCo quinquagesimo, in die conversionis Pauli apostoli.[*]
