| Nummer:oub0047 | Datum:Jever, 29. März 1318 | Überlieferung:Editie | Fundstelle:Ostfriesisches Urkundenbuch, I, S. 43, nr. 47 |
Die Ostringer verpflichten sich bei den alten Verträgen mit Bremen verharren zu wollen.
Honorabilibus viris et discretis consulibus civitatis Bremensis Oyco Ricaldinga et sui coniudices dicti sedecim necnon universitas terre Astringie salutem et pacis continuum incrementum. Vestre discretioni fore cupimus manifestum, quod pacta et conventiones ac statuta privilegiis et litteris inter terram nostram et civitatem vestram roborata secundum omnes suas clausulas volumus perpetuis temporibus inviolabiliter observare, vestrosque concives in Loppelde ac aliis locis terre nostre, ubicumque possumus, securare et a quavis iniuria defensare nee contra tenorem supradictorum privilegiorum in eos exactionem indebitam excerceri (!) in locis supradictis, aut aliqualem inferri iniuriam permittemus. Ne ergo per recidivum temporis lapsum presens compositio in oblivionem deducatur, eandem presentis scripti munimine roboramus nostro sigillo eandem consignantes. Datum Ievere, anno Domini Mo CCCo XVIIIo, quarta feria post dominicam, qua cantatur Oculi.
