| Nummer:ogd1193 | Datum:6 nov. 1404 | Überlieferung:Editie | Fundstelle:Oorkondenboek Groningen en Drenthe, nr. 1193 |
Burgemeesters en raad van Groningen beloven, dat zij zich zullen houden aan de uitspraak van Berent, graaf van Bentheim, van de verklaring van het tussen hen en de Bisschop van Utrecht gesloten verdrag.
Wy, borghermestere ende raet der stat van Groningen, maken kont ende kenlic allen luden mit desen openen brieve, dat daer
een soen ghegaen is tusschen den eerwerdigen, onsen ghenedighen heren Frederic van Blankenhem, bisscop tot
Utrecht, an de ene zijde ende onsan de ander zijde, daer noch alrehande saeken ynne sijn te verclaren ende te verliken , de wy ghebleven sin an
de zoenslude an beyden zyden , mit vorwarden , so waeraf de zoenslude niet eens en worden , dat de komen solden an den edelen Berent , greve to
Benthem , als an enen overman. Des so en kenden onse zoenlude van beyden tziden niet eens gheworden van somighe stucken en sunderlinge van der
huldinge, de ons onse ghenedige here vors. dede toeyschen, alsdat wy em de van gherechtesweghen sculdich weren to doene, daer wy rechtes
afghebleven syn ende blyven by den edelen Berent , greve vors. , omdat onse soenlude van beyden tzijden daer niet eens af en kunden gheworden ,
ende loven alsodane seggen , als he ons overseggende wart van de huldinge wegen, stede ende vast te holdende sonder argelist. In een orkunde der
waerheit so hebbe wy onser stat segel beneden an desen breef ghehanghen. Gegheven in den jaer ons Heren dusent vierhondert ende vier des zessten
dages in Novembri .
een soen ghegaen is tusschen den eerwerdigen, onsen ghenedighen heren Frederic van Blankenhem, bisscop tot
Utrecht, an de ene zijde ende onsan de ander zijde, daer noch alrehande saeken ynne sijn te verclaren ende te verliken , de wy ghebleven sin an
de zoenslude an beyden zyden , mit vorwarden , so waeraf de zoenslude niet eens en worden , dat de komen solden an den edelen Berent , greve to
Benthem , als an enen overman. Des so en kenden onse zoenlude van beyden tziden niet eens gheworden van somighe stucken en sunderlinge van der
huldinge, de ons onse ghenedige here vors. dede toeyschen, alsdat wy em de van gherechtesweghen sculdich weren to doene, daer wy rechtes
afghebleven syn ende blyven by den edelen Berent , greve vors. , omdat onse soenlude van beyden tzijden daer niet eens af en kunden gheworden ,
ende loven alsodane seggen , als he ons overseggende wart van de huldinge wegen, stede ende vast te holdende sonder argelist. In een orkunde der
waerheit so hebbe wy onser stat segel beneden an desen breef ghehanghen. Gegheven in den jaer ons Heren dusent vierhondert ende vier des zessten
dages in Novembri .
x
| Bestand | Oorkondenboek Groningen en Drenthe |
|---|---|
| Nr | 1193 |
| Olim | Naar het origineel in het rijksarchief te Utrecht (Archief Dom, 1e Afd. no. 917), hoog 19,4, breed 29 cm. Ook gedrukt bij Matth. ad Anon., blz. 58 en van Idsinga, Staatsrecht, II, blz. 49. |
| Jahr | 1404 |
| Datumcode | 0611 |