| Nummer:ogd0922 | Datum:5 febr. 1396 | Überlieferung:Editie | Fundstelle:Oorkondenboek Groningen en Drenthe, nr. 922 |
Burgemeesters en raad van Groningen verklaren, dat heer Herman 'van den Hilghen Geeste' een huis en erf in altijd durende pacht heeft genomen van Reyner de molenaar.
Wy, borghermestere ende raet van Groninghen, bekennen ende betughen met dezen openen brieve, dat her
Herman van den Hilghen Gheeste hevet ghehuert ene hofstede met horen tobehoren vor hem ende vor
zine erfghenamen tot ewigher hure teghen mester Reyner den mulner, daer ziin hues nutertiid up ghetimmert staet, des jaers vor vyer ende twintich schillinghe paymentes als in Groninghen ganc ende gave is, to bitalen elkes jaers als een stadrecht is. Deze vors. hofstede is gheleghen teghen Herderincstrate an die zuetzide van den weghe, ende sal breet wesen vier ende twintich vote ende sal zuetwert anlant wezen to der stadmure beholden der stad hores rechtes by der mure, daer mester Reyners erve by gheleghen is an de oesterzide ende an die westerzide. Dat orkunde wy met onser stad seghele. Ghegheven int jaer ons Heren dusent drehondert ses ende neghentich up sunte Agathendach, do Wicbolt Everdes, Evert Sickinc, Johan van den Berghe ende Radinc Hornekinc borghermestere waren onser stad .
Herman van den Hilghen Gheeste hevet ghehuert ene hofstede met horen tobehoren vor hem ende vor
zine erfghenamen tot ewigher hure teghen mester Reyner den mulner, daer ziin hues nutertiid up ghetimmert staet, des jaers vor vyer ende twintich schillinghe paymentes als in Groninghen ganc ende gave is, to bitalen elkes jaers als een stadrecht is. Deze vors. hofstede is gheleghen teghen Herderincstrate an die zuetzide van den weghe, ende sal breet wesen vier ende twintich vote ende sal zuetwert anlant wezen to der stadmure beholden der stad hores rechtes by der mure, daer mester Reyners erve by gheleghen is an de oesterzide ende an die westerzide. Dat orkunde wy met onser stad seghele. Ghegheven int jaer ons Heren dusent drehondert ses ende neghentich up sunte Agathendach, do Wicbolt Everdes, Evert Sickinc, Johan van den Berghe ende Radinc Hornekinc borghermestere waren onser stad .
