| Nummer:ogd0637 | Datum:5 juli 1375 | Überlieferung:Editie | Fundstelle:Oorkondenboek Groningen en Drenthe, nr. 637 |
Johan van Coevorden en twee anderen verklaren onder verband van leisting en met pandingsclausule aan Otto van Bentheim, proost te Paderborn, of aan Egbert van Nordhorn een zekere som schuldig te zijn.
Wy, . . Symon van Dedem, . . Matheus van Sconenvelde, . . Johan van Covorde, bekennet und betughet oppenbare in dessen breve, dat wy sculdich
zijn van rechter scult heren Otton van Benthem, doemproveste tho Paderborne, ofte Ecberte van Northorne, unsen ome . . twe und twintich marck
pennyncghe, alse tho Munster ghencghe und gheve zijn, und hebbet um de ghelovet und ghezekert an goden trowen met samenderhant tho ghevene und
to betalene up sunte Mertijnsdach nu naest thokommende. Wert zake dat wy des nicht en deden und darumme ghemanet worden in unse huse ofte an
unses selves miit van uns ofte van unsen wyssen bodden heren Otton ofte Ecbertes vorscreven, zo zolle wy byn dren daghen na der maninghe ynriden
tho Scuttorpe und leesten dar verten nacht, wij leesten ofte leesten nicht, dat is allike stede und vaest. Wan de verten nachte ummekommen zyn,
zo zolle wy ze bereden met rog, rorighen panden, de ze trecken und vuren moghen, dar ze er zementlike ghelt an nehmen moghen. Wert dat wy des
nicht en deden, zo mochte greve Otto ofte Ecbert vorscreven dit vorscreven ghelt wynnen up eyn pert ofte twe, ofte setten darup eyn pert ofte
twe, dar zolle wy ze of unthavenen und al scadelos af holden, zunder arghelyst. In orkunde desser vorgescreven dinck zo hebbe wy Symon, Matheus
und Johan vorg. unse inghesegele an dessen breef ghehanghen. Datum anno Domini MCCCLXX quinto crastino Odolrici confessoris .
zijn van rechter scult heren Otton van Benthem, doemproveste tho Paderborne, ofte Ecberte van Northorne, unsen ome . . twe und twintich marck
pennyncghe, alse tho Munster ghencghe und gheve zijn, und hebbet um de ghelovet und ghezekert an goden trowen met samenderhant tho ghevene und
to betalene up sunte Mertijnsdach nu naest thokommende. Wert zake dat wy des nicht en deden und darumme ghemanet worden in unse huse ofte an
unses selves miit van uns ofte van unsen wyssen bodden heren Otton ofte Ecbertes vorscreven, zo zolle wy byn dren daghen na der maninghe ynriden
tho Scuttorpe und leesten dar verten nacht, wij leesten ofte leesten nicht, dat is allike stede und vaest. Wan de verten nachte ummekommen zyn,
zo zolle wy ze bereden met rog, rorighen panden, de ze trecken und vuren moghen, dar ze er zementlike ghelt an nehmen moghen. Wert dat wy des
nicht en deden, zo mochte greve Otto ofte Ecbert vorscreven dit vorscreven ghelt wynnen up eyn pert ofte twe, ofte setten darup eyn pert ofte
twe, dar zolle wy ze of unthavenen und al scadelos af holden, zunder arghelyst. In orkunde desser vorgescreven dinck zo hebbe wy Symon, Matheus
und Johan vorg. unse inghesegele an dessen breef ghehanghen. Datum anno Domini MCCCLXX quinto crastino Odolrici confessoris .
