| Nummer:ogd0633 | Datum:1 mei 1375 | Überlieferung:Editie | Fundstelle:Oorkondenboek Groningen en Drenthe, nr. 633 |
Burgemeesters en raad van Groningen verklaren, dat Otte Polleman land heeft verkocht en overgedragen aan Otte Wybens.
Wi, borghermeestere ende raet van Groninghen, doen cundich allen met desen openen brieve, dat voer
ons quam Otte Polleman ende becande, dat hi hadde vercoft enen camp landes van soven grazen Otten
Wybens voer ene summe van ghelde, de Otten Pollemans voers. vol ende al betaelt is. Ende desen voers. camp van soven grazen landes droech Otte
Polleman voers. op Otten Wybens voers. met allen rechte ende met allen eyghendome vri ende quite eweliken to bruken ende to besittene. Deze
voers. camp landes is ghelegen an de zuutwesterzide van den Jacopiinre deghelhuze, daer de Hylighe Gheestes erve op de zuutside ghelegen is,
ende Cops erve Hedinghe, dat de Goltboeren gheheten is, op dat de noertzide leghet. Dat orcunden wi met onser stad zeghele. Ghegheven int jaerb
ons Heren dusent drehondert vive ende zoventich op sinte Wolburghe dach, do Herman Catere, Lubbert Sickinc, Gheert Lewe, Otte Polleman, Wycbolt
Maurissinghe ende Wycbolt Evardes soen borghermeestere waren onser stad.
ons quam Otte Polleman ende becande, dat hi hadde vercoft enen camp landes van soven grazen Otten
Wybens voer ene summe van ghelde, de Otten Pollemans voers. vol ende al betaelt is. Ende desen voers. camp van soven grazen landes droech Otte
Polleman voers. op Otten Wybens voers. met allen rechte ende met allen eyghendome vri ende quite eweliken to bruken ende to besittene. Deze
voers. camp landes is ghelegen an de zuutwesterzide van den Jacopiinre deghelhuze, daer de Hylighe Gheestes erve op de zuutside ghelegen is,
ende Cops erve Hedinghe, dat de Goltboeren gheheten is, op dat de noertzide leghet. Dat orcunden wi met onser stad zeghele. Ghegheven int jaerb
ons Heren dusent drehondert vive ende zoventich op sinte Wolburghe dach, do Herman Catere, Lubbert Sickinc, Gheert Lewe, Otte Polleman, Wycbolt
Maurissinghe ende Wycbolt Evardes soen borghermeestere waren onser stad.
