| Nummer:ogd0622 | Datum:15 aug. 1374 | Überlieferung:Editie | Fundstelle:Oorkondenboek Groningen en Drenthe, nr. 622 |
Ludolphus, abt van Oldenklooster in de Marne, verklaart, dat de twist van zijn klooster met de kloosters te Langen en Aland is bijgelegd.
Frater Ludolphus, Dei pacientia abbas ecclesie beati Johannis evangeliste conventus in Merna, L. prior totusque conventus ibidem ordinis
Premonstratensis Monasteriensis dyocesis universis presencia visuris seu audituris cupimus fore notum publice per presentes, quod omnis
controversia et discensio inter nos ex una ac conventus in Langhen et Alandia parte ex altera dicti ordinis et dyocesis suborta et mota,
finaliter est terminata et amicabiliter sopita, quare ipsos et eorum conventuales ab omnibus jugo, jure et consuetudine visitacionis,
correctionis et obediencie ac cujuscunque pacti quibuscunque nominibus sorciantur de jure vel de facto aut consuetudine temporalibus vel
ecclesiasticis, que omnia et singula aut partem ex eisdem in ipsos habuimus hucusque aut in posterum habere possemus conjunctim aut divisim,
quitos dimittimus ac liberos et solutos, renunciando etiam pro nobis et nostris successoribus futuris simpliciter et de plano ac irrevocabiliter
inter vivos dictis juri, consuetudini, obedientie, visitacioni, correctioni ac pactis et quibuscunque condicionibus in ipsos et eorum
conventuales exercitatis vel exercitandis quocunque colore juris, gratie vel facti. Nam propter raritatem personarum, distancias locorum,
discrimina viarum et alia plura inconveniencia et pericula ipsos visitare, providere ac eis presidere non valemus. In quorum omnium testimonium
sigillum abbatis in Merna predicti presentibus est appensum, et in evidencius testimonium premissorum mei abbatis Floridi Orti sigillum
presentibus est appensum. Datum anno Domini MCCCLXX quarto in die Assumpcionis beate Marie virginis gloriose, presentibus viris religiosis et
discretis , quando mihi notario subscripto hec littera fuit presentata, scilicet domino abbate Floridi Orti predicti ac Mellone, curato ecclesie
in Gotlinse, testibus ad premissa vocatis specialiter et rogatis. Datum , actum, porrectum et requisitum anno Domini, indictione, mense, die,
hora, quibus supra, in domo hospicii dicti abbatis Floridi Orti in Groninghen situata.
Premonstratensis Monasteriensis dyocesis universis presencia visuris seu audituris cupimus fore notum publice per presentes, quod omnis
controversia et discensio inter nos ex una ac conventus in Langhen et Alandia parte ex altera dicti ordinis et dyocesis suborta et mota,
finaliter est terminata et amicabiliter sopita, quare ipsos et eorum conventuales ab omnibus jugo, jure et consuetudine visitacionis,
correctionis et obediencie ac cujuscunque pacti quibuscunque nominibus sorciantur de jure vel de facto aut consuetudine temporalibus vel
ecclesiasticis, que omnia et singula aut partem ex eisdem in ipsos habuimus hucusque aut in posterum habere possemus conjunctim aut divisim,
quitos dimittimus ac liberos et solutos, renunciando etiam pro nobis et nostris successoribus futuris simpliciter et de plano ac irrevocabiliter
inter vivos dictis juri, consuetudini, obedientie, visitacioni, correctioni ac pactis et quibuscunque condicionibus in ipsos et eorum
conventuales exercitatis vel exercitandis quocunque colore juris, gratie vel facti. Nam propter raritatem personarum, distancias locorum,
discrimina viarum et alia plura inconveniencia et pericula ipsos visitare, providere ac eis presidere non valemus. In quorum omnium testimonium
sigillum abbatis in Merna predicti presentibus est appensum, et in evidencius testimonium premissorum mei abbatis Floridi Orti sigillum
presentibus est appensum. Datum anno Domini MCCCLXX quarto in die Assumpcionis beate Marie virginis gloriose, presentibus viris religiosis et
discretis , quando mihi notario subscripto hec littera fuit presentata, scilicet domino abbate Floridi Orti predicti ac Mellone, curato ecclesie
in Gotlinse, testibus ad premissa vocatis specialiter et rogatis. Datum , actum, porrectum et requisitum anno Domini, indictione, mense, die,
hora, quibus supra, in domo hospicii dicti abbatis Floridi Orti in Groninghen situata.
