| Nummer:ogd0445 | Datum:4 mei 1356 | Überlieferung:Editie | Fundstelle:Oorkondenboek Groningen en Drenthe, nr. 445 |
Hugho Braem, deken van het kapittel van St. Marie te Utrecht, gelast negen Drentsche pastoors om bekend te maken, dat de buren van Loon de aan het kapittel van St. Pieter verschuldigde tienden benevens de achterstallen moeten voldoen of met redenen van weigering voor hem verschijnen, met verzoek om bericht.
Hugho Braem, decanus ecclesie beate Marie Trajectensis, judex seu commissarius a venerabili viro domino Henrico de Myrlaer, Dei gracia preposito
Trajectensi, judice seu conservatore, una cum venerabilibus viris sancti Georgii Coloniensis ac sancti Johannis Leodiensis ecclesiarum decanis,
venerabilibus viris dominis, decano et capitulo ecclesie sancti Petri Trajectensis a sede apostolica cum clausula Quatenus vos vel duo aut
unus vestrum per vos vel alium seu alios etc. specialiter deputatus
subdelegatus seu subconservator, in Rotlo, in Anle, in Beylen, in Daelen, in Westerhessleen, in Gheten et in Vrees ecclesiarum Trajectensis
diocesis rectoribus, curatis, vicecuratis et presbyteris necnon universis et singulis ecclesiarum et capellarum rectoribus, plebanis,
investitis, curatis, vicecuratis, presbyteris, capellanis et clericis dicte Romane sedi subjectis, ad quos presens nostrum ymmo verius
apostolicum pervenerit mandatum, salutem in Domino et nostris ymmo verius apostolicis firmiter obedire mandatis. Litteras sanctissimi in Christo
patris et domini nostri domini Innocentii, divina providentia pape VI, non cancellatas, non rasas, non abolitas nec in aliqua sui parte
viciatas, verum bulla plumbeo et filis canapeis more Romane curie ut prima facie apparuit bullatas necnon subdele gationis seu commissionis
dicti domini Henrici prepositi Trajectensis vero et integro ejus sigillo sigillatas, nobis pro parte dictorum dominorum decani et capituli
ecclesie sancti Petri Trajectensis presentatas, nos cum ea qua decuit reverencia noveritis recepisse, quarum litterarum apostolicarum tenores
dinoscuntur esse tales: Volgt no. 432. Subdelegationis seu commissionis tenor dinoscitur esse talis: Volgt no. 444. Post quarum litterarum
presentationem et receptionem dicti domini, decanus et capitulum pro se et dicta eorum ecclesia nobis gravi conquestione monstrarunt, quod,
licet omnis decima grossa et minuta ville de Loen infra limites parrochie dicte ecclesie in Rotlo Trajectensis diocesis constitute et fructus
earundem decimarum, decima domus dicte Enekinghe dicte ville excepta ad ipsos dominos decanum et capitulum conquerentes et eorum ecclesiam
sancti Petri Trajectensis predictam jamdudum spectaverit et pertinuerit et adhuc pertinet et ad eos et ad dictam eorum ecclesiam
ex eo, quod cives, universitas et incole dicte ville annuum pactum et censum occasione eorundem eis debitum [non] dudum integraliter non
solverunt, ut tenebantur et fuerunt astricti solvere, sic et fuerint rite et legitime jamdudum devolute, et dicti cives,
universitas, incole dicte ville et omnes, hereditates et possessiones in prefata villa de Loen obtinentes, tenentes, habentes et possidentes
dictis conquerentibus hujusmodi decimam et fructus ipsarum de eisdem solvere et dare ac deliberare fuerint et sint efficaciter obligati et
tenebantur et tenentur. Nichilominus tamen, cives, incole et universitas dicte ville de Loen et homines, hereditates, bona, terras et
possessiones in prefata villa de Loen obtinentes de eisdem decimam hujusmodi grossam et minutam et fructus eorundem ad dictos conquerentes et
eorum ecclesiam predictam pertinentes et eisdem debitam et debitos anni presentis et preteriti sibimet retinere et
prefatis conquerentibus nomine eorum ecclesie dare et solvere ac deliberare ac de eisdem satisfacere rennuerunt, distulerunt,
contradixerunt et contradicunt sine causa rationabili indebite et injuste super hoc sepius sufficienter et rite moniti et requisiti in
omnipotentis Dei contumeliam animarumque suarum grave periculum, dictorum conquerentium et ecclesie ipsorum confusionem, dampnum,
prejudicium interesse non modicum et gravamen. Unde iidem conquerentes nobis humiliter supplicarunt, cum premissa adeo
notoria sunt et manifesta, quod nulla possint in illis partibus tergiversatione celari eis super hiis subveniri remedio
in Domino oportuno. Nos vero volentes dictum mandatum apostolicum et litteras hujusmodi reverenter exequi, exequi ut tenemur,
justis ipsorum conquerentium precibus inclinati, vobis omnibus et singulis ecclesiarum rectoribus, plebanis, investitis,
curatis, vicecuratis, presbyteris, cappellanis, notariis publicis et clericis antedictis et cuilibet vestrum in virtute
sancte obedientie et sub penis suspensionis et excommunicationis, quas in vos et vestrum quemlibet trium tamen dierum
monicione premissa, auctoritate apostolica predicta ferimus in hiis scriptis, si non feceritis quod mandamus, discrete precipimus firmiter
injungendo, quatenus jam visis presentibus accedentes, quo propter hoc fuerit accedendum et accedere fueritis requisiti vel fuerit aliquis
vestrum requisitus, moneatis omnes et singulos cives utriusque sexus, universitatem et incolas dicte ville de Loen et homines, in eadem villa
hereditates, bona et possessiones obtinentes et habentes. preter civem, possessorem et inhabitatorem dicte domus dicte Enekinghe et ipsum
possessorem exceptis in specie, de quorum nominibus vobis constiterit seu a latore presentium nominati fuerint, reliquos vero in
genere, quos cives, universitatem, incolas dicte ville et hereditatem seu hereditates et bona in eadem obtinentes omnes hiis
presentibus in specie et in genere monemus preter possessorem dicte domus dicte Enekinghe, ut infra novem dies post vestram
monitionem seu notificationem presentium eis factam, quorum tres pro primo, tres pro secundo et reliquos tres
pro tertio et peremptorio termino ac monitione canonica eis assignamus, dictas decimas grossas et minutas et fructus earundem
anni proximi preteriti et presentis restantes et non solutos et per ipsos retentos, si exstant, dictis conquerentibus et eorum ecclesie
dent, tradent, deliberent et persolvant et si non exstant, quingentas libras nigrorum Turonensium monete usualis et communiter in
civitate Trajectensi currentis pro valore eorundem fructuum, ad quas eos estimant, eisdem conquerentibus persolvant et
deliberant et a retentione et contradictione predictis cessant penitus et desistant et de cetero talia vel similia
non attemptant. Alioquin contra singulares personas dicte ville et homines, in eadem hereditatem et possessiones
obtinentes, ad excommunicationis sententiam et contra universitatem et communitatem dicte ville ad interdicti sententias
et alias penas canonicas, prout de jure poterimus, procedemus, nisi causam pretendere valeant, si quam habeant efficacem,
quare ad premissa minime teneantur. Ad quam pretendendam citetis eosdem et quemlibet ipsorum peremptorie coram nobis ad domum habitacionis
nostre, sitam infra emunitatem ecclesie beate Marie Trajectensis, quos et quemlibet ipsorum hiis presentibus peremptorie coram nobis citamus ad
ultimum diem vestre monicionis et notificationis presentium, si non fuerit dies feriata, alioquin ad proximam diem non feriatam, contra dictos
conquerentes causam hujusmodi ostensuri et juri quantum debuerint parituri recepturi, et facturi, quod dictaverit ordo juris. Diem vero
executionis, monitionis et citationis vestre, nomina monitorum et citatorum, et quid in premissis feceritis aut relatione dignum vobis
occurrerit, nobis litteris vestris presentibus infixis liquide rescribentes vos presentium executores. Et in hiis exequendis unus vestrum alium
seu alios non exspectet sub penis antedictis. Datum anno Domini millesimo trecentesimo quinquagesimo sexto mensis Maij die quarta .
Trajectensi, judice seu conservatore, una cum venerabilibus viris sancti Georgii Coloniensis ac sancti Johannis Leodiensis ecclesiarum decanis,
venerabilibus viris dominis, decano et capitulo ecclesie sancti Petri Trajectensis a sede apostolica cum clausula Quatenus vos vel duo aut
unus vestrum per vos vel alium seu alios etc. specialiter deputatus
subdelegatus seu subconservator, in Rotlo, in Anle, in Beylen, in Daelen, in Westerhessleen, in Gheten et in Vrees ecclesiarum Trajectensis
diocesis rectoribus, curatis, vicecuratis et presbyteris necnon universis et singulis ecclesiarum et capellarum rectoribus, plebanis,
investitis, curatis, vicecuratis, presbyteris, capellanis et clericis dicte Romane sedi subjectis, ad quos presens nostrum ymmo verius
apostolicum pervenerit mandatum, salutem in Domino et nostris ymmo verius apostolicis firmiter obedire mandatis. Litteras sanctissimi in Christo
patris et domini nostri domini Innocentii, divina providentia pape VI, non cancellatas, non rasas, non abolitas nec in aliqua sui parte
viciatas, verum bulla plumbeo et filis canapeis more Romane curie ut prima facie apparuit bullatas necnon subdele gationis seu commissionis
dicti domini Henrici prepositi Trajectensis vero et integro ejus sigillo sigillatas, nobis pro parte dictorum dominorum decani et capituli
ecclesie sancti Petri Trajectensis presentatas, nos cum ea qua decuit reverencia noveritis recepisse, quarum litterarum apostolicarum tenores
dinoscuntur esse tales: Volgt no. 432. Subdelegationis seu commissionis tenor dinoscitur esse talis: Volgt no. 444. Post quarum litterarum
presentationem et receptionem dicti domini, decanus et capitulum pro se et dicta eorum ecclesia nobis gravi conquestione monstrarunt, quod,
licet omnis decima grossa et minuta ville de Loen infra limites parrochie dicte ecclesie in Rotlo Trajectensis diocesis constitute et fructus
earundem decimarum, decima domus dicte Enekinghe dicte ville excepta ad ipsos dominos decanum et capitulum conquerentes et eorum ecclesiam
sancti Petri Trajectensis predictam jamdudum spectaverit et pertinuerit et adhuc pertinet et ad eos et ad dictam eorum ecclesiam
ex eo, quod cives, universitas et incole dicte ville annuum pactum et censum occasione eorundem eis debitum [non] dudum integraliter non
solverunt, ut tenebantur et fuerunt astricti solvere, sic et fuerint rite et legitime jamdudum devolute, et dicti cives,
universitas, incole dicte ville et omnes, hereditates et possessiones in prefata villa de Loen obtinentes, tenentes, habentes et possidentes
dictis conquerentibus hujusmodi decimam et fructus ipsarum de eisdem solvere et dare ac deliberare fuerint et sint efficaciter obligati et
tenebantur et tenentur. Nichilominus tamen, cives, incole et universitas dicte ville de Loen et homines, hereditates, bona, terras et
possessiones in prefata villa de Loen obtinentes de eisdem decimam hujusmodi grossam et minutam et fructus eorundem ad dictos conquerentes et
eorum ecclesiam predictam pertinentes et eisdem debitam et debitos anni presentis et preteriti sibimet retinere et
prefatis conquerentibus nomine eorum ecclesie dare et solvere ac deliberare ac de eisdem satisfacere rennuerunt, distulerunt,
contradixerunt et contradicunt sine causa rationabili indebite et injuste super hoc sepius sufficienter et rite moniti et requisiti in
omnipotentis Dei contumeliam animarumque suarum grave periculum, dictorum conquerentium et ecclesie ipsorum confusionem, dampnum,
prejudicium interesse non modicum et gravamen. Unde iidem conquerentes nobis humiliter supplicarunt, cum premissa adeo
notoria sunt et manifesta, quod nulla possint in illis partibus tergiversatione celari eis super hiis subveniri remedio
in Domino oportuno. Nos vero volentes dictum mandatum apostolicum et litteras hujusmodi reverenter exequi, exequi ut tenemur,
justis ipsorum conquerentium precibus inclinati, vobis omnibus et singulis ecclesiarum rectoribus, plebanis, investitis,
curatis, vicecuratis, presbyteris, cappellanis, notariis publicis et clericis antedictis et cuilibet vestrum in virtute
sancte obedientie et sub penis suspensionis et excommunicationis, quas in vos et vestrum quemlibet trium tamen dierum
monicione premissa, auctoritate apostolica predicta ferimus in hiis scriptis, si non feceritis quod mandamus, discrete precipimus firmiter
injungendo, quatenus jam visis presentibus accedentes, quo propter hoc fuerit accedendum et accedere fueritis requisiti vel fuerit aliquis
vestrum requisitus, moneatis omnes et singulos cives utriusque sexus, universitatem et incolas dicte ville de Loen et homines, in eadem villa
hereditates, bona et possessiones obtinentes et habentes. preter civem, possessorem et inhabitatorem dicte domus dicte Enekinghe et ipsum
possessorem exceptis in specie, de quorum nominibus vobis constiterit seu a latore presentium nominati fuerint, reliquos vero in
genere, quos cives, universitatem, incolas dicte ville et hereditatem seu hereditates et bona in eadem obtinentes omnes hiis
presentibus in specie et in genere monemus preter possessorem dicte domus dicte Enekinghe, ut infra novem dies post vestram
monitionem seu notificationem presentium eis factam, quorum tres pro primo, tres pro secundo et reliquos tres
pro tertio et peremptorio termino ac monitione canonica eis assignamus, dictas decimas grossas et minutas et fructus earundem
anni proximi preteriti et presentis restantes et non solutos et per ipsos retentos, si exstant, dictis conquerentibus et eorum ecclesie
dent, tradent, deliberent et persolvant et si non exstant, quingentas libras nigrorum Turonensium monete usualis et communiter in
civitate Trajectensi currentis pro valore eorundem fructuum, ad quas eos estimant, eisdem conquerentibus persolvant et
deliberant et a retentione et contradictione predictis cessant penitus et desistant et de cetero talia vel similia
non attemptant. Alioquin contra singulares personas dicte ville et homines, in eadem hereditatem et possessiones
obtinentes, ad excommunicationis sententiam et contra universitatem et communitatem dicte ville ad interdicti sententias
et alias penas canonicas, prout de jure poterimus, procedemus, nisi causam pretendere valeant, si quam habeant efficacem,
quare ad premissa minime teneantur. Ad quam pretendendam citetis eosdem et quemlibet ipsorum peremptorie coram nobis ad domum habitacionis
nostre, sitam infra emunitatem ecclesie beate Marie Trajectensis, quos et quemlibet ipsorum hiis presentibus peremptorie coram nobis citamus ad
ultimum diem vestre monicionis et notificationis presentium, si non fuerit dies feriata, alioquin ad proximam diem non feriatam, contra dictos
conquerentes causam hujusmodi ostensuri et juri quantum debuerint parituri recepturi, et facturi, quod dictaverit ordo juris. Diem vero
executionis, monitionis et citationis vestre, nomina monitorum et citatorum, et quid in premissis feceritis aut relatione dignum vobis
occurrerit, nobis litteris vestris presentibus infixis liquide rescribentes vos presentium executores. Et in hiis exequendis unus vestrum alium
seu alios non exspectet sub penis antedictis. Datum anno Domini millesimo trecentesimo quinquagesimo sexto mensis Maij die quarta .
