Nomno Luppkens, prebendaat te Winschoten bekent te hebben verkocht aan het convent van ter Apel ‘een pekell deel offte schaere weydt landes toe Wynschoete gelegen, die Pekell genoempt’.

Her Nomno Luppkens prebendaet tho Wynschoete bekenne unde
betuge in unde overmyts dessen openen voersegelden breve dat ick
hebbe verkoefft upgedraegen unde oevergegeven voer my ende mynen
erffgenaemen den werdigen ende Religiosen heren heren
Gerhardo van Hasseldt prior ter Apelle unde den Conventualen aldaer selvest een Pekell deell offte schaer
wrydt landes toe Wynschoete gelegen die Pekell genoempt
welker die eygen erffden toe Wynschoete indt generaell
thoe kompt unde my dat deel van verscr. egen erffden
geschenckt ys Soe schelde ick her Nomno verscreven dyt Pekell
deel vrig quidt ledich unde loes den priori voerscr.
unde Convente oeren alyngen vrigen wyllen daermede
thoe doene thoe ewygen daegen gene anspraeke meer
up thoe doene unde bedancke den verscreven prior guede be taelynge dyt sunder alle argelyst yn vestenisse der waer-
heit hebbe ick heer Nomno ergemeldt myn segel under
an dessen briff gehangen yn den yaer uns heren doemen
schreff duysent vyffhundert achtenen vyfftich up
daege Laurentii martyris.

x

x

Archiv	Groninger Archieven
Bestand	Klooster Ter Apel
Zugangsnummer	1373
Inventarnr.	1
Fol. Nr.	fol. 085*r
Regestnr.	252
Jahr	1558
Datumcode	Lamber

x

x