Hermen Luesynck en zijn vrouw Katerina verklaren onder stoklegging een landruil te hebben aangegaan met abdis Hilla Coenders en de senioren en gemene conventualen van Essen, waarbij het convent gekregen heeft een zestiende waardeel in Emmer marke, en Hermen en Katherina gekregen hebben een stuk vlasland te Emmen.

Ick Hermen Luesynck, Katerina, mjin echte husfrouwe, bekenne ende betuge yn ende overmydts dussen openen bezegelden breve voer ons ende onsen
rechten erffgenamen dat wij hebben myt onsen vrijen wyllen ende voerbedachten mode gewysselt ende gebutet yn enen arffwyssel myth
Hilla Coenders, abdissa in Essen, ende den senioren, voerts den gemenen conventualen en sestynden deel weerdels [in a]lsodane manyere ende
forma who nabeschreven. In den eersten so sullen wij Herman ende Katerina vurs. hebben van der abdissa vors. vor d[...] sestynden deel wardels,
gaende to heyde, weyde ende to holte yn Emmer marke so dat gelegen ys under den cloecken van Emmen f[rij] schadeloes sunder enyge
upsprake, en stucke lijnlandes gelegen manck Emmer lijnstucken vrijg schadeloes, daer aldernaest bij gelegen ende gelandet bynnen
als Hinrick Greven ahn der noertsijdt omme Rosynge an de suydtsijdt. Ende updat dusse buyte edder wysselynge an beyder parten
in allen formen bundych, vast ende altoes voer ons ende onsen erffgenamen sal geholden wurden, so hebbe yck Hermen vurs. Johan Wekynge, hoeffmester
to Essen, als i fulmacht van wegen des convents den stoeck gelacht van dat vurs. sestynden deel werldes voer twe arffburen bynnen
Emmen, als lantrecht ys in den lande van Drente, als Hynrick ende Jacob Gertmages. In eyn oerkunde der waerheit dat dusse buyte
eder wysselynge als dus gescheet ys, vast, bundych, ewelijck ende arfflijck sal geholden ende gewaert worden, so hebbe yck Hermen vors. gebeden den
erentfesten erbaren vromen ende vorsychtygen Johan van Selbach, schulte to Emmen, dussen breff over mij ende mijnen erffgenamen t'bezegelen, dat-
welcke yck schults vors. omme bede wyllen Hermens vors. geerne hebbe gedaen ende hebbe mijn gewoentlijck segell wytlijck ende wall an
dussen breff gehangen. In 't yaer unses Heren duysent vyffhondert ende tsoventych, den achtynden dach augusti.

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	116
Regestnr.	1106
Olim	Arch. Klooster Essen, inv.nr. 5, reg. 135. Reg. Feith 1570.76.
Jahr	1570
Datumcode	1808

x

x

Kommentar	Met het zegel van Johan van Selbach, schout te Emmen

x

Material	perkament

x