Cecilia Benninghe, keldermeesteres van het convent (Trimunt), doet opgave aan de grietman Auma van de voorwaarden waaraan een eventuele borg voor Hinrick Karstes moet voldoen.

Eersame besunder lieve grietman soe Hinrick Karstes een genoechsame Arfachtyge
borghe voer in .er rechte is presenterende de weloke .. ..selves ende
onse vulmacht genoechsam dunckt toe wesen ende is synt dat de voerwerden
ende ..... diemen hem v..stellen ende daer hem ........ wil om anspreecken ende
ganslijcken wil van hem bewisset wesen ende mit Henrick dit toecomende jaer
niets niet geen doen offte anspraecke hebben dan alles wes Henricks huircedel
vermelt sal de borghe voerstaen ende op sijn tijt betalen ten jersten re.en ons van
Hinrick viertich .... gulden XXIII van achterstallighe huir ende soventyn ende tijn stuvers
vant scrijfgelt de XXIII ... gulden sal de borghe ons op mij betalen dat ander to
Sinte Joannes mitsomer ... to meije een tunne biers van ........ int cloester toe
leveren voerscreven als de tijden comen van hoey ende coren .huis toe halen behoeren ons
onse meijers toe helpen gelijckker het niemant uutbesundert daer wij de borghe oeck
willen voer anspreecken en van hem verwijsset wesen mit sijn huisfrouwen con-
sent ende belijnghe voer rechte voerts toe vrijemarcket naestcomende sijnter ver-
schenen tyn ... gulden van de nije huir sinte Micheel een vet vercken sinte Meerten
IIII vette gansen voerts daer nae nije jaer tyn ... gulden weeder van
de tocomende huir nae ...... hinrickes eerter offte .... ende dan de sylscot
de daer mach zetten ende nu tocomende Ludgeri uut saliger Heeren scattynghe ende alles
wes daer op vallen mach daer een meijer man hoert voer.estaen ende dyt vor
screven alle tosamen begheeren wij op onse seeckere tijt nae luidt Hinrickes
huircedel bij den .... rechte vorwijsset toe wesen mit seeckere hant scrijft van de
borge op de tijt alst voer recht woert angenomen offte van stonden aen onse
lant vrij binnen tjaer offte wat pene de eersame grietman daer bij setten wyl offte
sijn .... goet dunckt oeck sal Hinrick geen macht hebben eemande mit hem in sijn
huis toe setten offte eenyghe greetlanden toe breecken angesien hij mer een jaer
borge stelt dit wil de ..... ... ma hem rechtlick verbieden ende int gevalle
Hynrick nu geen borghe genoechsam ende goets voer recht en brengt soe ist ge-
Daen ende wij begeeren de eersamen grietman dan hem ..rt aff affseghy.che.t geven
Ende heere int gebruick kenne wente tis nu genoech gedroget wil hij dan
mit haere niet fruntlijcker wijsen handelen mach hem trecht scheyden
ick sende de eersamen grietman de huircedel om den borghe daer op laten antreden
dan dat se Hinrick niet en .richt wente hij geen van ons .... Ontfangen om
dat wij saghen dattet niet doghen walde meer laet onse Derck de meeder om
nemen ende verwaren als ick hem bevolen hebbe .... hier in wyl de vrome E.
A..... doen als wij sijn eersamen heer wal betruwen ende .... ende sparen alltijt sijn gode
gunst voer onse scamel cannentyen des de Almoed..e vader vergelden moet den
wij .. eersamen altijt bevelen tot geluck ende salicheit ... ylich ge... uut trimunt

Cecilia Benninghe kelderse van des conventes weghe

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	77
Regestnr.	1095
Olim	Arch. Klooster Trimunt, inv.nr. 21, reg. 29.
Jahr	1564

x

x

Material	papier

x