Johan Barnda en zijn vrouw Hylle verklaren te hebben verkocht aan Michael Wilhelmus, commandeur te Wijtwart, twaalf grazen land te Uuthusen, grenzende ten zuiden aan het maar, ten noorden aan de kerk van Uuthusen en ten oosten aan de schouwbare weg, voor zestig emder guldens per gras plus twaalf daalders, een "angelot" voor de koop en zeven kannen wijn voor de wijnkoop.

Wy Johan Barnda unde hylle echte luyden, bekennen ende betugen myt dessen openen breve, voer ons ende onsen arffgenamen, dat wy hebben
vercoft, upgedragen, ende overgegegeven In kracht deses breves, dem weerdygen unde religiosen heren, heer Michael Wilhelmus, Commen-
duer toe Wytwart, van wegen ende tot behoeff synes Convents Wytwart, ende horen naecpmelyngen aldaer, twalff grase landes,
gelegen toe Uuthusen, soek leen unde groet als de gelegen syndt, ende van Hinrick Jacobs met Johan syn huysvrouwe gebruket
worden, daer dat maer upt suyden, de Erb. Doeko Clant ant Westen, de kercke to Uuthusen Int noerden, ende een schouwbaer
wech Int oesten, naest by geswettet syndt, vry ende veerdych ewelycken ende arfflycken to gebruken, to besytten, ende In
alles horen vryen willen daermede toe doen. Des loven wy Johan ende hylle vorscr., voer ons ende onssen arffgenamen, dat wy den
Convente voerscr. ende horen naecomelyngen, sodaene twalff grase landes ten ewygen daegen sullen vry ende veerdych leveren
hoeden ende waeren, voer alle ansprake, daer wy voer toe waerborge ende onderpande stellen, onse heerdt landes toe Uut-
huysen, den Hinrick Jansen ende Peter Janssen nuw gebruken, ende voert alle onse ander landen ende guederen, bynnen ofte
buten Groningen gelegen, umme alle hinder ende schaden, de den Convente voersccr. hyer entegens tot ewygen tyden ankomen
muchten, myt hoeftmans breve unde allen rechten, uut den vorscr. onderpanden alheel ofte een deel, to mogen manen ende
boren, ende dat voer een summa geldes, als naemptlyck, elck gras landes voer tsestich embder gulden, dartich groninger
stuvers voer elcken gulden gerekent, ende twalff daler ende een angelot over den hoep, ende soven kanne wyns
thoe wynkoep, welcker pennyngen wy Johan Barnda ende hylle vorscr. bekennen dat ons gaer deger vul ende all synnen
betaelt den lesten pennynck myt den eersten. Sonder alle argelist. In oerkunde der waerheyt hebbe Ick Johan
Barnda vorscr. voer my ende hille myn huysvrouwe (soe wy selffs geen segell en voeren) myn naeme myt myn egen hant
hyer onder geschreven. Ende tot meerder vestenisse desser waerheit hebben wy Johan ende hylle vorscr. gebeden den
Erbaren unde vromen mannen Haro Wijnken ende Ballo Ffroma dessen breeff over ons ende onsen arffgenamen to versegelen. Des
wy Haro Wijnken ende Ballo Ffroma dorch bede ende begeerte van Johan Barnda ende Hylle vorscr. geerne hebben
gedaen, ende hebben tot vestenisse van desen elck onse zegel wytlyck beneden an desen breeff ghehangen. Inden
jaere onses heren dusent vyffhondert twe undetsestich den twalfften dach des maents Septembris.
ick Johan Barnda myn egen handt

x

x

Archiv	Groninger Archieven
Bestand	Kloosterarch.
Zugangsnummer	172
Inventarnr.	278
Regestnr.	1090
Olim	Arch. Klooster Wijtwerd, inv.nr. 17, reg. 154. Reg. Feith 1562.136.
Jahr	1562
Datumcode	1209

x

x

Kommentar	Met de zegels van Haro Wynken en Ballo Froma

x

Material	perkament