Wy borgemester ende Raedt in Groninghen betuegen mit dessen open breve dat vor ons is gekomen Roleff Sissinge ende bekan-
de voer hem ende sinen erfgenamen dat he hevet vercoft upgedragen ende overgegeven heren Goessen van Halen pater int clerchues
by Sinte Walburge karcke in onser Stadt tot behoeff des conventes ende sinen nacomelingen ses grase landes in twalff grasen
landes gelegen dair de ander sesse den pater vorscr. van tokomen gelegen inden karspel van Hogerkarcken Simons
venne geheten dair Roleff Huynge upt westen ende Roleff Sissinge vorscr. upt oesten naest by gezwettet sint vry ende
quyt erfliken ende eweliken to brucken ende to besitten ende vry tho waren voer ene summe geldes de Roleff vorscr, bekande hem
vul ende al betaelt is sunder argelist Dat Orkunde wy myt onser stadt Segel gegeven inden jare onses Heren dusent
vijffhundert ende soeventyn up avonde sancte Katrine de Coert Coenrades, Peter Sickinge Rient Duers ende Lubbert Clant
Borgemesteren weren onser Stadt.

x

x

Archiv	Groninger Archieven
Bestand	Arch. Klerken- en fraterhuis
Zugangsnummer	1237
Inventarnr.	0052
Regestnr.	255
Register Feith	1517.007
Jahr	1517
Datumcode	vCathar

x

x

x

Material	perkament