Copie
Maris
Edel Erntveste here besonder Om die redenen Int
lange verhaelt Inde supplicatie ende stucken hier by gevoecht
geputeert van wegen Joncker Haye van westerwolde
Ordonneren ende bevelen u vuyt laste ende beveel des
keysers ons heeren ende broeders dat ghy binnen veerthien
daghen nae tontfangen van desen u vindt ende compareert voer
de Lieutenant ende Hooftmannen der stadt Groeninghen vors.
aldaer schicke yemande volle macht ende beveel van
u Hebbende, um aldaer Inder saecke daer questie af Is
te vertycken ende vereenighen metten supplt. alst beoeren
sal, Oft anders Jndyen ghy des In gebreecke zyt te
doene, de voern. supplt. zal moegen procederen ende vortvaren
In zyn begoste proces, gelyck hy bevinden sal behoeren
Dus en zyt des In gheen gebreecke, Edel Erntveste
here besonder onse Heer godt zy met u, Geschreven
te bruessel den Xen dach In Januario 1548,
Geteeckent Marie, Ende byden secretaris Despleghen
Die superscriptie was dese Den Edelen erntvesten
ons heren bezonderen die Heer tot Tautenborch.

x

x

Archiv	Groninger Archieven
Bestand	F.A. Lewe
Zugangsnummer	547
Inventarnr.	0627
Regestnr.	103
Register Feith	1549.038
Jahr	1548
Datumcode	1001

x

x

x

Material	papier