| Nummer:fae142 | Datum: | Überlieferung:Origineel | Fundstelle:F.A. Van Ewsum, inv.nr. 0088, reg. 142 |
Raide ind beveelsluyde onss genedigen heren
hertougen van Gelre etcetera in Vryeslanden.
Wy doen kondt ind bekennen dat wy in naem ind van wegen onss genedigen lieven
heren hertougen van Gelre etcetera den Erbaeren Jonckher Reyloff van Ewesum
mytten ghenen hy myt brengende werdt tot thyen off twelff persoenen
toe off daironder vry vaste vurwairde veylicheit ind geleyde vergont
ind gegeven hebben ind vermitz dessen gonnen ind geven tho sullen
moigen passieren ind reysen to voit, to perde, to waither off to lande
uut syne gewairsam opten beraemden dach ind bykoempst die
beraempt is ind geschien sall nu en tokomenden manendach aver
acht daigen nementlick dess manendaigen nae sente Odulphus
dach toe Assen int cloister ind wederom van dair in syne
vry zeecker behalt. Bevelen hyromme allen officieren, amptluiden
hoifftluyden, ruyteren, knechten, dyenres ind ondersaiten onss
genedigen heren vurscreven sy den vurgenoemde Reyloff mytten ghenen vurscreven
hy myt brengende werdt vry veylich ind ongeleth wollen
laiten passieren wech in weder wanttat alsoe van
wegen synre ffurstlichen gnaden onse gantze will ind
meynonge is. Sunder argelist. Oirkonde onss genedigen heren vurscreven
secreet segels dess wy in synre ffurstliche gnaden saicken gebruycken
hyrop gesat dess dynsdaigen post octavas Sacramenti anno etcetera XVIo.
Ercklens (handtekening).
hertougen van Gelre etcetera in Vryeslanden.
Wy doen kondt ind bekennen dat wy in naem ind van wegen onss genedigen lieven
heren hertougen van Gelre etcetera den Erbaeren Jonckher Reyloff van Ewesum
mytten ghenen hy myt brengende werdt tot thyen off twelff persoenen
toe off daironder vry vaste vurwairde veylicheit ind geleyde vergont
ind gegeven hebben ind vermitz dessen gonnen ind geven tho sullen
moigen passieren ind reysen to voit, to perde, to waither off to lande
uut syne gewairsam opten beraemden dach ind bykoempst die
beraempt is ind geschien sall nu en tokomenden manendach aver
acht daigen nementlick dess manendaigen nae sente Odulphus
dach toe Assen int cloister ind wederom van dair in syne
vry zeecker behalt. Bevelen hyromme allen officieren, amptluiden
hoifftluyden, ruyteren, knechten, dyenres ind ondersaiten onss
genedigen heren vurscreven sy den vurgenoemde Reyloff mytten ghenen vurscreven
hy myt brengende werdt vry veylich ind ongeleth wollen
laiten passieren wech in weder wanttat alsoe van
wegen synre ffurstlichen gnaden onse gantze will ind
meynonge is. Sunder argelist. Oirkonde onss genedigen heren vurscreven
secreet segels dess wy in synre ffurstliche gnaden saicken gebruycken
hyrop gesat dess dynsdaigen post octavas Sacramenti anno etcetera XVIo.
Ercklens (handtekening).
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0088 |
| Regestnr. | 142 |
| Jahr | 1516 |
| Datumcode | MpoSacram |