| Nummer:fae039 | Datum:15 juli 1443 | Überlieferung:Origineel | Fundstelle:F.A. Van Ewsum, inv.nr. 0485, reg. 039 |
Wy Menolt, Focko ende Bew salighen Lycken Fockama kynderen tho Kantens bekennen ende betughen myt dessen
openen breve dat wy hebben vorkoft Ewertt Ewesma veerde half hundert landes theleghen in
Tornwerder hamrick gheheten inder Beentyuchghe dar Ewertt vorscr. heft achte hundert
lands by der nordersyt ende veerdehalf hundert landes by der sudersyt by ligghen ter
swette vor ene summe gheldes de uns Ewertt vorscr. vul ende ael heft betalet den ersten
pennyngen myt den lesten War om wy Menolt Focko ende Bew vorscr. op draghen ende over
gheven vor uns ende vor unse erfgenamen Ewert vorscr. ende horen erfgenamen dyt vorscr. lant vry to bruken
to vorwixelen to vor kopen to erphen ende horen vryen willen dar mede to doen tot
ewighen daghen ende solen wy hor dyt vorscr. lant vry holden vor [...]bben ende vor [...] a[...]en
Hyr hebben by an ende over ghewesen Sylbert in Kanter Eensetel ende Menno Houwerda
Wedmans to Kantens wedmans wise to gheropen ende ghebeden de warheyt to hoden
Item Dodo unse oem in Kanter Eensetel Eelteke in den Ort Johannes Gherdesma ende Ul-
phart to Kantense wynkopes lude In oerkunde der warheyt so hebben wy Menolt Focko ende Bew vorscr. ghebeden heren Roleff to Kantens unsen kercheren dessn breff over
uns to beseghelen Ende ick Rodolphus prester ende curetus vorscr. um bede wille Menolt Fockens ende
Bewes vorscr. hebbe myn seghel up an dat spacium desses breves ghehangen Int jaer uns heren
mo cccco dre ende vertich de naesten manendaghes na suncte Marghareten dach hilghe Juncfrouwe.
openen breve dat wy hebben vorkoft Ewertt Ewesma veerde half hundert landes theleghen in
Tornwerder hamrick gheheten inder Beentyuchghe dar Ewertt vorscr. heft achte hundert
lands by der nordersyt ende veerdehalf hundert landes by der sudersyt by ligghen ter
swette vor ene summe gheldes de uns Ewertt vorscr. vul ende ael heft betalet den ersten
pennyngen myt den lesten War om wy Menolt Focko ende Bew vorscr. op draghen ende over
gheven vor uns ende vor unse erfgenamen Ewert vorscr. ende horen erfgenamen dyt vorscr. lant vry to bruken
to vorwixelen to vor kopen to erphen ende horen vryen willen dar mede to doen tot
ewighen daghen ende solen wy hor dyt vorscr. lant vry holden vor [...]bben ende vor [...] a[...]en
Hyr hebben by an ende over ghewesen Sylbert in Kanter Eensetel ende Menno Houwerda
Wedmans to Kantens wedmans wise to gheropen ende ghebeden de warheyt to hoden
Item Dodo unse oem in Kanter Eensetel Eelteke in den Ort Johannes Gherdesma ende Ul-
phart to Kantense wynkopes lude In oerkunde der warheyt so hebben wy Menolt Focko ende Bew vorscr. ghebeden heren Roleff to Kantens unsen kercheren dessn breff over
uns to beseghelen Ende ick Rodolphus prester ende curetus vorscr. um bede wille Menolt Fockens ende
Bewes vorscr. hebbe myn seghel up an dat spacium desses breves ghehangen Int jaer uns heren
mo cccco dre ende vertich de naesten manendaghes na suncte Marghareten dach hilghe Juncfrouwe.
x
| Archiv | Groninger Archieven |
|---|---|
| Bestand | F.A. Van Ewsum |
| Zugangsnummer | 696 |
| Inventarnr. | 0485 |
| Regestnr. | 039 |
| Jahr | 1443 |
| Datumcode | LpMargar |