Nederlands (NL)  German (DE)
Nummer:sag004 Datum:8 febr. 1557 Overlevering:Origineel Vindplaats:Arch. Sint-Anthonygasthuis, inv.nr. 0024, reg. 004

Bron Recto Dorso Vertaling Relatie Zegels Materiaal Literatuur Index N.B.
Wy Borghermesteren ende Raedt sampt taelmans swoerne meente ende Bouwmesteren van den Ghylden yn Groeningen doen kundt ende betueghen yn ende vormydtz desen openen breve Szo tut verbredinghe der stadt bolwarcke byder Oesterpoerte
etzlycke landen ende behuesinghe den elendigen armen yn Sunte Anthonuys gasthues thobehoerende ter stadt beste affgenomen
verneelt ende beworpen syn hebben wy den voegeden ende voerstenderen desselven gasthueses tut behoeft der armen aldaer ende
hoeren nakomelingen ( nae visitatie ende vorlesinghe hoere Szegell ende breve) durch unse daer tho ghedeputeerde vrunde
seker stucke landes wederumme tut versettinghe des gasthueses schaden tho ghewyset ende arfflyken gheeeghevet gelegen
omtrent int myddell vander plaetzen tusschen de butenste Oester ende Steentyll poerten. Rocht int veerkant lanck
ende breet wesende an elcker syden vyff roeden ende soeven voet, elcke roede ; tut veerthyn voeten gherekent up
welckeer plaetze de gasthueses voechden voers. rede thyn nye kamers edder woeninghen myt hoere achterwthen
ghesath ende ghetymmert hebben. Vry ende quydt arfflyken ende ewelyken de vors. stede ende kameren tho brueken
tho besitten ende alle hoeren vryen willen daer mede tdoen. Sunder arghelist dat oerkunde wy myt unser stadt segell.
Ghegeven inden jaer unses heren duesent vyffhundert soevenenvyfftich den achten dach february doe Reyndt
Alberda, Albert Jarghes, Uffko Uffkens ende Hinrick Ulger Borgermesteren weren unser stadt.
Recto:
Dorso:
x
x
Archief Groninger Archieven
Fonds Arch. Sint-Anthonygasthuis
Toegangsnummer 1247
Inventarisnr. 0024
Regestnr. 004
Register Feith 1557.089
Jaar 1557
Datumcode 0802
x
x
x
Materiaal perkament