| Nummer:sag002 | Datum: | Overlevering:Origineel | Vindplaats:Arch. Sint-Anthonygasthuis, inv.nr. 025a, reg. 002 |
Wy borgermesteren ende Raed in Groningen betugen myt dessen openen breve dat voer ons is gekomen Andreas Ghisens ende
bekande voer em ende sine erffgen. dat hee in ene wyssel hevet upgedragen ende overgegeven droech up ende gaff over
Harmen Allema sinen zwager ende sinen erffgen, den heert myt heminge huusingen ende mytten schuren myt rechtinge
ende herlicheiden ende myt de sessendtwintich jucke landes bynnen dyckes ende myt de tsestich scapes grasen
offte voetes dielen buten dyckes daer de breeff van spreket daer desse breeff doer getogen is vry ende quyt erffliken ende ewliken myt alle sinen tobehoren to bruken ende o besitten in alle manieren alse deselve breeff daer aff in-
holdet en utwyset voer ene summe geldes de Andreas vors. bekande dat em vull ende all is betaelt. Ende
voer sodane dagelix ende jaerlix ewyge rente de Herman vors. voer em ende sinen erffgen. daer weder voer up-
dracht ende anghyfft Andreas vors. ende sinen erffgen. in manieren ende vorwerden hiir nabescreven. Also dat
Herman vors. ende sinen erffgen. offte de syn huus mytten hofstede pacht ende voer.myt alle sinen tobehoren besittende
worden tot ewygen dagen alle dagen ut de vors. huuse ende hoffstede myt sinen tobehoren sullen dagelix besorgen ende
geven omme godes willen vyff placken broden van Andreas vors. ende syne vreuden ziele salicheit daer he des
voer begerende is ende gestichtiget hefft tot eenre ewygen memorie ut de vors. huuse ende hoffsteden to manen ende to geven alle dage als Herman vors. voer em ende sinen erffgen. ende besitter des vors. huuses angenomen hefft ende togestaen tot ewigen
dagen daerut te geven ende to manen als vors. is. Sunder yenigleye lossse van den huuse vors. niet to vervroemden offte
to verandfaten (?) tot gene tyden. Sunder alle argelist dat orkonden wy myt onser stad zegel. Ghegeven inden jaer onses heren dusent vierhundert drieentachtentich des maendages na zunte bertholmeus dach apostoli doe Sweder Kater, Herman Potter, Roloff Ulgers ende Roloff Mepsche borgermester waren onser stad.
bekande voer em ende sine erffgen. dat hee in ene wyssel hevet upgedragen ende overgegeven droech up ende gaff over
Harmen Allema sinen zwager ende sinen erffgen, den heert myt heminge huusingen ende mytten schuren myt rechtinge
ende herlicheiden ende myt de sessendtwintich jucke landes bynnen dyckes ende myt de tsestich scapes grasen
offte voetes dielen buten dyckes daer de breeff van spreket daer desse breeff doer getogen is vry ende quyt erffliken ende ewliken myt alle sinen tobehoren to bruken ende o besitten in alle manieren alse deselve breeff daer aff in-
holdet en utwyset voer ene summe geldes de Andreas vors. bekande dat em vull ende all is betaelt. Ende
voer sodane dagelix ende jaerlix ewyge rente de Herman vors. voer em ende sinen erffgen. daer weder voer up-
dracht ende anghyfft Andreas vors. ende sinen erffgen. in manieren ende vorwerden hiir nabescreven. Also dat
Herman vors. ende sinen erffgen. offte de syn huus mytten hofstede pacht ende voer.myt alle sinen tobehoren besittende
worden tot ewygen dagen alle dagen ut de vors. huuse ende hoffstede myt sinen tobehoren sullen dagelix besorgen ende
geven omme godes willen vyff placken broden van Andreas vors. ende syne vreuden ziele salicheit daer he des
voer begerende is ende gestichtiget hefft tot eenre ewygen memorie ut de vors. huuse ende hoffsteden to manen ende to geven alle dage als Herman vors. voer em ende sinen erffgen. ende besitter des vors. huuses angenomen hefft ende togestaen tot ewigen
dagen daerut te geven ende to manen als vors. is. Sunder yenigleye lossse van den huuse vors. niet to vervroemden offte
to verandfaten (?) tot gene tyden. Sunder alle argelist dat orkonden wy myt onser stad zegel. Ghegeven inden jaer onses heren dusent vierhundert drieentachtentich des maendages na zunte bertholmeus dach apostoli doe Sweder Kater, Herman Potter, Roloff Ulgers ende Roloff Mepsche borgermester waren onser stad.
x
| Archief | Groninger Archieven |
|---|---|
| Fonds | Arch. Sint-Anthonygasthuis |
| Toegangsnummer | 1247 |
| Inventarisnr. | 025a |
| Regestnr. | 002 |
| Jaar | 1483 |
| Datumcode | LpBartho |