| Nummer:oub206 | Datum: | Overlevering:Editie | Vindplaats:Ostfriesisches Urkundenbuch, II, S. 789, nr. Aanh. B, par. 6 |
Die Traditionen des Klosters Fulda, par. 6.
6. Adalhart tradidit dimidiam partem mensure unius in Englide; in Merinidorbe, quod Gilo tradidit, totum et integrum, quod pater suus in eum hereditavit et quod pater eius tradidit in villa, que dicitur Abblechen, unam virgam et duos pedes; in Wincredea virgam. In comitatu Wiccingi Folcrih tradidit tres pedes in villa, que dicitur Hura, et mater eius debet inde ad censum annuum[*] tres untias. Adalger tradidit in Mermendorf 20 pedes terre arabilis in latum, et 300 in longum, et prata ad sexaginta carradas. Ego Folcrip tradidi s. Bonifacio in Sibunfurte et in Tundwerde tam terris quam silvis, pratis, pascuis, domibus, aedificiis, mancipiis, quicquid proprietatis habui in hereditate. Ego Reginhart et Meginbraht tradidimus ad s. Bonifacium in villa, que vocatur Langenhouh terram 11 pedum, quod est in pago Emisgowe. Ego Dithgilt tradidi ad s. Bonifacium in pago Ostrache, in villa nuncupata Bonfurt, terram 10 boum, et quam diu vivam censum 6 unciarum inde persolvam, vel 20 pallia. Ego Folcwar dedi s. Bonifacio terram 12 boum infra terminos villae Westerbure, quod est in pago Westrahe. Gerhart comes tradidit s. Bonifacio in pago Westeriche, in loco qui dicitur Hasalon, talem terram, qualem ipse in eodem loco habuit in censum duarum unciarum. Folclint tradidit s. Bonifacio pro anima matris et sororis sue, quicquid in terra Fresonum proprietatis habuit, in villa Wireon et in Leompich, hoc est domibus, aedificiis, campis, pratis, pascuis, aquis, silvis cum 12 mancipiis ad censum 6 solidorum. Ego Wulpolt et Alptag et Folcwar donavimus ad s. Bonifacium quicquid Otger frater noster nobis in hereditate dimisit in Hasulun, quod est in pago Westerache, in villa Huron terram 20 boum, et quicquid ibidem in aedificiis et in domibus habui, ut singulis annis libram argenti inde persolvam. Ego Oudalwih cum tribus sororibus meis tradimus s. Bonifacio dimidiam partem proprietatis nostrae in villa, quae dicitur Walahheim, ut per singulos annos unaqueque nostrum 4 uncias ad censum reddat, hoc est simul libram unam et dimidiam.[*] Ego in Dei nomine Imma dono et trado ad s. Bonifacium hereditatem meam terram 4 boum in pago Westrahe, in loco et villa, que dicitur Stelle, ut per singulos annos 9 uncias reddam. Ego Engelram et Rabeninc et Diotwar tradimus ad s. Bonifacium proprietates nostras in pago Ostrahe, in villa Mereheim, terram 4 boum cum omnibus sibi attinentibus[*] pratis, pascuis, silvis, domibus et familiis. Ego Marcuart et Uppo tradimus ad s. Bonifacium bona nostra, que habemus in pago Kilingo Huntari, in villa Merheim, terram 7 boum et dimidiam partem terrae unius. Similiter tradimus in pago Tokingen, in villa Orlinguerba, duorum boum terram et duas partes terre bovis unius, ad censum statutum per singulos annos persolvendum ad monasterium s. Bonifacii in Fulda. Ego Reginhart et Megenbraht tradimus ad s. Bonifacium in villa, quae vocatur Langenhoh terram 11 pedum, quod est in pago Emisgewe, cum caeteris quae habuimus. Ego Diethilt trado ad s. Bonifacium hereditatem meam in villa nuncupata Bonewirt: terram 10 boum ad censum 4 unciarum per annum. Ego Folcwar de Fresia dono ad s. Bonifacium terram 12 pecorum infra terminos villae Westerburge, quae ist in pago Westariche, ad censum statutum per annum. Ego Dietwich trado ad s. Bonifacium quicquid proprietatis habeo in auro et argento et caeteris pecuniis, agris, pratis, silvis, domibus, familiis. Ego Erlolf et coniux mea Oudalwih tradimus ad s. Bonifacium unum servum in villa Gandingen, nomine Novat, cum uxore sua et liberis et omni substantia.
