| Nummer:oub1771 | Datum:13. Okt. 1429 | Overlevering:Editie | Vindplaats:Ostfriesisches Urkundenbuch, II, S. 733, nr. 1771 |
Testament des Eggho Herbana zu Emden.
In nomine Domini. Amen. Anno incarnacionis eiusdem Mo CCCCo XXIXo, in profesto beati Calixti pape et martiris, discretus vir Eggho Herbana, civis noster in Emeda, in lecto egritudinis constitutus, sui spiritus compos licet corpore infirmus, testamentum suum seu ultimam sue voluntatis ordinacionem condidit et disponit (!) in modum qui sequitur, et ordinavit[*] volens ut valeat et robur optineat iuris testamenti. Inprimis quidem ordinavit et instituit suos veros heredes ex linea paterna: Gheraldum Eggana et Awarn Sybrandssna equaliter et proporcionaliter; ex linea materna: Gheraldum Symbedsna in duabus partibus et portionibus sue hereditatis, et Menanus (so) Eblana pro parte tercia. Et prefatus Gheraldus Symedsna habebit et possidebit domistadium Emekonis aurifabri; insuper ordinavit et voluit, quod Fosse, uxor eius legatum percipiet septem stigas florenorum, quos Sebrandus fester eius solvere tenetur. Insuper disposuit, quod dicta Fosse possidebit totum aurum, quo hucusque usa est. Item legavit domum suam, quam inhabitat, similiter cum domistadio pro salute anime sue et remedio et suorum amicorum in usum pauperum et receptionem pro quodam hospitali, et ad hoc legavit et assignavit novem graminata, situata prope viam dictam Astinchwey, et novem graminata sita prope (quartam (?)) viam, et eciam quatuor vaccas pro sustentacione pauperum. Item ordinavit fieri de bonis suis provisoribus ...[*] et casula cum aliis requisitis ... ad divinum officium peragendum. Insuper in prefata domo ordinavit quoddam altare consecrandum in honorem Dei et omnium sanctorum. Item legavit reliquiis in Emeda quatuor graminata iacencia in fine vie, dicte Frontranchwey. Item unum graminatum prope Astynchwey. Item voluit et ordinavit fieri duo vexilla in honorem[*] sanctorum Cosme et Damiani martyrum. Item dixit, quod Omeko aurifaber tenetur sibi 30 florenos, qui debent converti ad usum calicis. Item ad eundem usum unum annulum legavit, quo utitur Fosse, uxor eius. Insuper ordinavit, quod sepedicta Fosse habebit et possidebit dimidietatem omnium bonorum suorum mobilium cum illis septem stigis florenorum pre ... gnatis. Item revocavit dicta omnia et singula cum Hiskone preposito et Ymelone de bonis ipsius post mortem[*] ipsius habendis tractata et ventilata. Acta et facta sunt hec anno et die, de quibus supra, in presencia dominorum Ulbodi, vicedecani ac curati, necnon discreti viri domini Wynoldi presbyteri, Gheraldi Eggana, Magni Egeprandi, civium in Emeda, testium ad hoc vocatorum et specialiter rogatorum, (ad) quorum testimonium sigilla presentibus sunt appensa.
