| Nummer:oub1756 | Datum:Den Haag, 12. Mai 1412 | Overlevering:Editie | Vindplaats:Ostfriesisches Urkundenbuch, II, S. 717, nr. 1756 |
Herzog Wilhelm von Baiern, Graf von Holland, bekundet, dass er auf Bitten der Stadt Amsterdam dem Häuptling Keno tom Brok und seinen Unterthanen vom 23. April 1412 bis 15. August 1414 freien Verkehr in seinem Gebiete gewährt habe.
Willem etc. doen cond allen luden, dat wij om oetmoedich verzoeck ende om bede willen onser getruwer stede van Aemsterdam gegeven hebben ende gheven mit desen brieve voir ons ende voir onsen landen, luden ende ondersaten enen steden vasten vrede Kenen, hovecling then Broeck, sinen landen, luden ende ondersaten, vrij ende veylich te varen ende te keren overal te watere ende te lande voir ons ende voir den onsen, welken vrede inging up sinte Georgiusdach des heiligen mertelairs lestgeleden[*], ende sal gedueren tot onser Vrouwendage toe assumptio naistcomende[*] ende dien dach al, ende dan voirt twe jair lang sonder argelist. In oirconden etc. Gegeven in den Hage, 12 dagen in Mey, int jair XIIIIc ende XIIo.
