| Nummer:oub1741 | Datum:13. Jan. 1406 | Overlevering:Editie | Vindplaats:Ostfriesisches Urkundenbuch, II, S. 699, nr. 1741 |
Keno tom Brok an Lübeck: weist darauf hin, dass dem Kalimann von Emden aus grosser Schade von den Vitalienbrüdern geschehen sei und dass er zu der Bekämpfung derselben seinen Beistand angeboten habe. Inzwischen hätte er mit Hisko von Emden eine gute Sühne haben können, sei aber auf Wunsch der am 11. November zu Groningen versammelten Städte dieselbe nicht eingegangen. Lübeck habe ihm durch Bremen eine Antwort abseiten der binnen Kurzem sich versammelnden Städte in Aussicht gestellt, habe aber die Zeit nicht näher bestimmt. Begehrt zu wissen, ob und wie lange er noch warten solle, und will für den Fall, dass man die Vitalienbrlider nicht bekämpfen werde, wegen einer etwaigen Sühne mit Hisko von Emden ungemahnt bleiben.
Na dem grute. Erbaren guden sundergen vrunde. Alse gi wol vornomen hebben, dat de vitalienbrodere ju unde dem menen kopmanne groten schaden hebben gedan van Emeden ut unde wedder dar to, boven vruntlike voreninge unde besegelde breve, de wy unde se tosamende den steden geven unde besegelt hebben, worumme wy ju gerne behegelik willen wesen unde helpen keren mit allem dat wy vormogen, alse wy in vortiiden ok er ju togescreven hebben; unde hadden uns vormuodet, gy wolden ju vuorder darane bewiset hebben, de vitalienbrodere to vorstorende, ere untholders unde heghere. Na den tiiden mochte wy mit Hisseken unde mit den van Emeden eene gude sone gehat hebben, dat wy dar umme leten, dat uns untboeden unde bidden leten juwe mederadmanne, de nu to sunte Martin dage to Groninge weren, dat wy des nicht en deden unde unthelden uns so lange, dat se wedder to hus quemen, se wolden mit den steden spreken unde uns wedder scriven, worna wy uns richten mochten; men de rad van Bremen heft uns to weten gedan by unsen boden, wo gi en togescreven hadden, dat kortliken sal werden eene vorgaderinge der stede, de dar mede tohoren, so sulle uns wol een antwerde werden, dar wy doch neene enkede tiid van weten, wo kort dat schen solle, wente wy unde unse vrunde van unser wedderpartye unde den vitalienbrodern groten vorderfliken schaden nemen an vordelginge, des uns neen not were, hadde wy uns nicht untholden up juwe antwerde umme juwer mederadmanne bede willen. Worumme wy ju vruntliken bidden, dat gi uns noch by dessen boden laten weten, wer wy uns up juwen trost unde hulpe noch lenger sullen untholden unde wo lange. Weret over, dat gi dar vurder nicht to don wolden, dat de vitalienbrodere vorstoret wurden, dat gi denne des vordocht sin, dat wy ju dyt so vake hebben toscreven, dat wy mit lyve unde mit gude des gerne by ju unde dem kopmanne wolden hebben bleven overbodich wesen to donde, wes wy van unser breve wegen den steden plichtich weren, unde willen darmede ungemanet denne wesen, oft wy unse beste hirna proveden, unde mit Hysseken unde mit den van Emeden zoneden unde de wege vunden, dat wy unde unse vrunde tomale nicht vordervet wurden. Hirup provet de korte ungesumet, wat nutte is. Gescreven under unsem secrete, am achten dage der hilgen dryer koninge.
Kene, tom Broke hovetlingh.
Kene, tom Broke hovetlingh.
