| Nummer:oub1737 | Datum:1400 | Overlevering:Editie | Vindplaats:Ostfriesisches Urkundenbuch, II, S. 697, nr. 1737 |
Enno Edzardesna, Häuptling zu Norden, an Bremen: antwortet hinsichtlich des Gerüchts, dass er die Vitalienbrüder zu sich genommen habe, er habe gegen Holländer und Seeländer, die ihm vielfach Schaden gethan, und nicht gegen die Städte und Kaufleute, Söldner gewonnen, verspricht den Bremern für etwaigen Schaden, der ihnen geschehen sollte, Ersatz zu leisten und begehrt, dass Bremen den Verkehr mit Holland abbreche.
Erbaren wyzen luden, borghermester unde ratluden to Bremen, onzen leven vruonden.
Unsen vruontliken gruot tovoren unde wes wi goedes vermoghen. Leven vrunde. Ja ghevoeghe to weten, dat wi juwen breff vorstaen hebben, inneholdende, alze wo daer en mene gheruochte vor ju ghekomen zy, dat sei de vytalyenbrodere to uns ghenomen hebben, de den menen kopmanne menet to schadene. Waeraf willet weten, leven vruonde, dat de Hollander hebben uns unde unsen onderzaten groten schaden ghedaen, beyde in lyve unde in goeder, unde noch jo alle daghe doen, dat menyghen goeden manne wol witlic is, daer wi nen bescheyt van kryghen konnen. Hiirumme zo hebbe wi soldeners ghewonnen, de welk gheleghen hebben to der Blankewer myt den bisscope van Utrecht unde ok welk in Westfalen, unde en deel van unzen underzaten, de van den Hollanders groten schaden gheleden hebben. Desse vorscreven soldeners, de zynt myt 1 schepe up der zee unde scholen den Hollanders unde Zelanderen schaden, waer se moghen, unde anders nenen steden edder kopluden. Daeromme bidde wi ju, leven vruonde dat gi ju des tovreden holden unde laten uns unse vyanden krenken, went wi ju unde juwen borgheren hulplic unde vorderlic willen wezen, waer wi id vormoghen. Wer id ok zake, dat juwen borgheren jenich schade schede van unsen soldeners, den schaden wille wi em verbeteren unde betalen. Ok so bidde wi ju, dat gi nen goet schepen laten juwen borgheren up Hollander bodeme edder nen goet van den Hollanders ontfanghen uppe juwe boderne. Ghesereven onder onzen zeghele.
Enne Edzerdesna, hovetling to Norden.
Unsen vruontliken gruot tovoren unde wes wi goedes vermoghen. Leven vrunde. Ja ghevoeghe to weten, dat wi juwen breff vorstaen hebben, inneholdende, alze wo daer en mene gheruochte vor ju ghekomen zy, dat sei de vytalyenbrodere to uns ghenomen hebben, de den menen kopmanne menet to schadene. Waeraf willet weten, leven vruonde, dat de Hollander hebben uns unde unsen onderzaten groten schaden ghedaen, beyde in lyve unde in goeder, unde noch jo alle daghe doen, dat menyghen goeden manne wol witlic is, daer wi nen bescheyt van kryghen konnen. Hiirumme zo hebbe wi soldeners ghewonnen, de welk gheleghen hebben to der Blankewer myt den bisscope van Utrecht unde ok welk in Westfalen, unde en deel van unzen underzaten, de van den Hollanders groten schaden gheleden hebben. Desse vorscreven soldeners, de zynt myt 1 schepe up der zee unde scholen den Hollanders unde Zelanderen schaden, waer se moghen, unde anders nenen steden edder kopluden. Daeromme bidde wi ju, leven vruonde dat gi ju des tovreden holden unde laten uns unse vyanden krenken, went wi ju unde juwen borgheren hulplic unde vorderlic willen wezen, waer wi id vormoghen. Wer id ok zake, dat juwen borgheren jenich schade schede van unsen soldeners, den schaden wille wi em verbeteren unde betalen. Ok so bidde wi ju, dat gi nen goet schepen laten juwen borgheren up Hollander bodeme edder nen goet van den Hollanders ontfanghen uppe juwe boderne. Ghesereven onder onzen zeghele.
Enne Edzerdesna, hovetling to Norden.
