| Nummer:oub1732 | Datum:30. Mai 1400 | Overlevering:Editie | Vindplaats:Ostfriesisches Urkundenbuch, II, S. 691, nr. 1732 |
Die Hauptleute der Städte Lübeck, Hamburg, Bremen und Groningen bekennen, das Schloss Wittmund von Keno tom Brok unter der Bedingung empfangen zu haben, dass sie dasselbe demjenigen, der es ihm zu Recht abgewinnen würde, nur abgebrochen übergeben dürfen.
Wy Heningh Rentellen, Johan Kryspyn van Luobeke, van Hamborch Alberd Screye, Johan Nanne, van Bremen Luoder Wolders, van Groningen Swedder van Wynden, Alf unde Albred Schelingh, wy bekennen unde betughen vor alleswene, dat Kene van den Broke uns antwerdet Wytmunde in alsodaner wyse: were dat jemand uppe dat vorgescreven Wyttmunde to sprekende hadde na Vreschen rechte, worde dat slod myd rechte van Kenen scheyden, alzo dat id enen andren thovunden worde, so scholde wy dat slod nycht hel van uns antwerden, mer dalbroken, unde dat id jo en kerke hieve; unde dat schal Kene don laten uppe syne koste. To thuchnisse hebbe wy unse inghesegele ghehenghet an dessen breff, de ghescreven is unde ghegeven is na Gades bord in deme vyrteynhuondersten jare, des sondaghes na Gades hemmelvard etc.
