| Nummer:oub1692 | Datum:12. Dez. 1376 | Overlevering:Editie | Vindplaats:Ostfriesisches Urkundenbuch, II, S. 654, nr. 1692 |
Der Kaplan an der S. Margarethenkapelle in Dykhusen, Liuppoldus, überlässt die Kapelle mit allen Zubehör und allen Gerechtigkeiten gegen die Zusage einer Summe Geldes und anderer Bezüge den Augustiner-Nonnen von Reide, welche ihm für die pünktliche Erfüllung ihrer Leistungen Bürgen stellen.
Universis ad quos presencia pervenerint cupimus fore notum, quod nos infraseripti Dodo, curatus ecclesie in curia Norden ac officialis scolastici Bremensis in terminis Frisie, Ocko Kenisna, capitalis in Brocmannia, Folcmarus, capitaneus in Asterhusen, Livardus, capitalis in Westerhusen, necnon Folkeldis Kampana, puella in Hynte, rogati specialiter et nominati ad tractandum pacifice et amicabiliter inter religiosas personas et devotas sorores videlicet de Reyda ordinis sancti Augustini sub cura fratrum Predicatorum vivencium parte ex una, et dominum Liuppoldum, capellanum capelle sancte Margarete in Dichusen, parte ex altem, partium unanimi de consensu sic extitit ordinatum in primis videlicet, quod iam nominatus Liuppoldus pure et simpliciter propter Deum et orationes sororum devotarum libere et irrevocabiliter dimittit sororibus dicti conventus in Reyda locum et capellam[*] sancte Margarete in Dichusen cum omnibus bonis, areis, prediis, pascuis et pratis, necnon cum omnibus iuribus ad eadem pertinentibus quovismodo, sic quod a notitia presencium eundem amplius et de cetero non occupabit. Et ne in sustentacione vite, que cuilibet viventi necessaria et oportuna fuerint, deficiat, memorati mediatores ordinaverunt, quod, antequam dicte sorores locum prefixum occupare presumant, dabunt dicto domino Liuppoldo viginti novem marcas currentis monete et postea quolibet anno quousque provisum sibi fuerit de beneficio competenti secundum ordinacionem predictorum. Item quod omnia bona sua ad eum pertinencia licite debet recipere et deducere ubi sibi visum fuerit expedire. Item quod dampna, si que sustinuit, sibi per sorores refundi debebunt secundum ordinacionem iuris. Item quod fenum suum sibi persolvi debebit secundum feni quantitatem et valorem. Ut igitur de supradictis viginti novem marcis[*] domino Liuppoldo in forma qua premittitur persolvendis fraus et dolus excludatur, positi sunt fideiussores, videlieet Folkeldis Campana in Hinte ac Liuardus, capitalis in Westerhusen. Acta et facta sunt hec in presencia supradictorum et Haronis de Falerna, fratris Redolfi, prioris Nordensis, ac domini Remberti, curati in Westerhusen, qui suum sigillum ad instanciam domini Liuppoldi, quod per se sigillo caret, apposuit cum sigillis predictorum in evidens testimonium premissorum. Datum anno Domini Mo CCCo septuagesimo sexto, in profesto[*] beate Lueie virginis et martyris.
